تويت
ارد احچي واسولف أسمِعْ العالم &&& يتيم آنه وزماني اعليه بالحكم ظالم
خاف احچي ويگول يبالغ البطران &&& حگه لأن معنه اليتم ابد ما فاهم
من اشكي ياهو اليسمع لشكواي &&& ولو احچي عني تدور اوجوهه الوادم
منين ابدي الحچي وال مَنْ التقديم &&& عمري هموم فوگ اهموم باستمرار تتراكم
فتحت امن الزغرعيني بگلب مكسور&&& ودمع عيني اعله خدي كل وكت ساجم
لو شفت اولاد تلعب وي بو فرحان &&& ذكرت اسنين والدي تحت الترب نايم
نشدت امي عن ابوي آلاف من مرات &&& تگلي ابوك مسافر وبلكن يرد سالم
ما عدنه غير سمال من يجبل علينه العيد &&& چنه العيد النه دار الظهر ميسالم
بالباب العيد يوچب ما يطب البيت &&& يگول ايتام ذوله عدهم فرح مو لازم
اطب للمدرسة والثوب بيه رگعات &&& وجيبي سنين معدودات ما شايف دراهم
حذائي امزّگ وما عندي جواريب &&&وكتبي ابچيس أمرّ ابشامت و شاتم
خبز يابس بالريوگ امرار ما نلـگاه &&& اشكثر مرات كوب الچاي نتقاسم
لبسنا امن الحزن ثوب او صرنه خوان &&& آنه ويه الحزن صار سنين متوالم
ليش الفرح يمشي بس ويه الزناگين &&& واحنه دوم عيشتنه ابحزن دايم
اوصيكم اهل الخير ابد لا تقصرون &&& لو شفتو اليتيم بحاجة الراحم
تره اليكفل يتيم وي النبي محشور &&& ينعم بجنة خلد وفراشهه الناعم
تعليق