تويت
نواعي لمصاب الامام الباقر ( ع )
..............................................
..............................................
يالباقر ابهاليوم تنعاك الموالين – تنعه وْتنوح اعليك واتعزّي ام الِحسين
وْتلعن بني مروان هالزمره الملاعين – مْصابك دمه مو بس دمع تهمل اله العين
............
يا باقر الابرار يومك ما نسينه – مجلس عزانه اعليك منعو بالمدينه
منعونه هالظلّام والزمره اللعينه – زمرة كفر والحاد بيها احنه ابتيلنه
.............
يبن الدعي مروان يبن الناصبيه – شِتْگول باچر بالحشر عن هالرزيّه
سمّيته لابن المصطفى وْحامي الحميّه – ربنه اليجازي وْينتقم لابن الزچيّه
.............
نَوحي عله المغدور بسموم الضغينه – ابن النبي المختار والهادي ولينه
عالباقر الاحزان عمّت كل مدينه – كلها البريه تْنوح هالليله وْ حزينه
...............
...............
اباقر علوم الدين عزيها الزچيه – وانعه الامام وْنوح واسي الهاشميه
بْسم الحقد غدروه اولاد الدعيه – اولاد ابن مروان اشرار البريه
..............
ليلة عزاء وْنوح هالليله وْحزينه – نْعزي الوصي الكرار بالباقر ولينه
كل داعشِ وْكل ناصبي انسمعه نعِينه – وْكل ظالم البيت النبي انفضحه وْندينه
..............
لابد يجي الموعود ويْرجّع بقيعه – بيه الامان يْعود والعالم يطيعه
وْ يبني القبور يْزيح الام الفجيعه - ويْحاسب الانذال والخان الشريعه
.............................
.............................
خادم اهل البيت ( ع )
الشاعر الحسيني
سعيد الفتلاوي الطويرجاوي