قصيدة / مسلم يمظلوم
................................
................................
تْنادي كلها الكوفه
مسلم يمظلوم
يا غريب اتنادي
مسلم يمظلوم
...................
تْحدّه ظلّامه بْغربته وْ صاح يحسين – هذا ابو الاحرار افديله ضوه العين
سبط ابو القاسم نبينه وْحامي هالدين - ما ازل عنّه وْاعوفه يْنادي ويْحوم
...................
هذا ابو النفس الابيه اليرفع الراس – غيرة الناس الوفيّه باسمه تنقاس
ضحّه بالروح وْ فداها لاطهر الناس – ثبّت اسمه بالاعالي ويّه لِنْجوم
...................
من وصل للكوفه ما هاب اليعاديه – لا ابن مرجانه بجنوده وْيلاگيه
مفخرة عدنان ياهو اللي يلاويه – جَفّل الحومه وْ زلمها ضاگت الحوم
...................
لا معين اللي يعينه وين الِوْعود – وْلا رجال اللي تنصره وْ عنّهِ اذود
اصطفت عْليه الاعادي مسلم العود – صارت ابيوت المدينه اتبثِّ لِسْموم
....................
انسدت بْيوت المدينه وْما بگه باب - عادته الكوفه وْ باهَلها ما لِگه اصحاب
صاحبه المظلوم هاني بالسجن غاب – اظلمت الدنيه بْسماهه سَوده لِغْيوم
.......................
ظل وحيد الحال لا ناصر يحاميه – هايم ابروحه وْ جروحه من يداويه
يْناشد بْطوعه وْيگلهاعالجره عْليه– آنه مسلم يا كريمه الغدرته الگوم
...................
دارته الحرّه بْكرمها بت الَاخيار – حس ابنها من ساَلها ياهو بالدار
وبْعجل خبّر اميره واشتره العار - حضرت اجنود الرذيله وْگامت اتحوم
.................................
.....................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق