تويت
قصيدة بحق الامام العباس علية السلام
يعباس يعباس يبو فاضل يعباس
اسد بالغاضريه عميد الهاشميه
يبو فاضل يعباس
...................
نادى حسين يحزام الظهر ياعدتي وذخري
يبو فاضل عكبك منكس ظهري
ينور العين افكدت روحي وضعف بصري
من عككبك يبو الغيره حاير انه بأمري
ينبراس ينبراس يتاج انته على الراس
يبو فاضل يعباس
.............................
نادى وهو على الغبره يروح الطاهره الزهره
ميطيب الجرح يحسين تبقه بالكلب جمره
ماي الطلبته اسكينه اشد لوعه واشد حسره
وسلملي ينور العين على اختنه زينب الحره
وخبره يبو السجاد علينا بالسده واجره
ينوماس ينوماس لون تدري بالاحساس
يبو فاضل يعباس
.............................
احس بروحي فاركه الجسد حويه وانه بلاروح
وعكب عينك فلا فاركته انه النوح
ودمع عيني عليك من الدمه يفوح
تلكني خواتك والدمع مسفوح
على الراس على الراس يبرغنه على الراس
يبو فاضل يعباس
.................................
رجعت ولخيم محني الظهر هل اليوم
ولن زينب تنشد وسكنه وام كلثوم
رجعت لوحدك ياخويه يامظلوم
اخوك البطل جاوينه وينه يامحروم
يكله على النهرعفته بكلب مالوم
على الراس على الراس اظل الطم على الراس
يبو فاضل يعباس
................................
صاحت زينب يلكمر منته الي جايبني
شلون بهل الوكت خويه تفاركني
منه اوديعة علي عندك يجافلني
من ارض المدينه لكربله ماخذني
مثل مانه جيت وياك متردني
ينوماس ينوماس يبو الغيره ينوماس
يبو فاضل يعباس
منقول
تعليق