ياخير العمل
**-----**-----**
يابحر العلم يل ما نصل كاعـــه
ياخيــر العمل يـاآيـــة الطاعـــــــــه
أنت الباء والبسمله من غيــــرك
مثل مركب أبحر أمضيِّع شراعــــه
ياجفّه المحمد وانته هم احمـــــد
الشمس والباب غصبا الك منصاعه
ياعادل بحكمك للعدل احكــــــم
اليريد الفوز ياخذ منَّك الطاعــــــــه
يادوله فرح بيهـــا اليتيم ينــــام
وخيل الفزعه للموزمه فزّاعــــــــه
دولتك ياعلي الباري شاهدهــــا
بيها الظالم مضعضعه أوضاعــــه
تظل سيد العصوروعلّة التكوين
خلّه الناصبي تنفعه أتباعــــــــــــه
نعرفك ياعلي روح النبي ونفسه
حرس للدين انت سوره وقلاعـــــه
فاز ألّي يتبعك يـــا أبو الحسنين
واللّي ماسمعنه أيخلّي سمّاعـــه
ويفتح عينه زين ويلبس مناظر
المزابل هم تلم من مثله وانواعــــه
اليعاندنه عله حبك ماربح خسران
نلاويه ونعلِّك بركَبته ذراعـــــــــه
تعليق