تويت
قصيدة / يزينب يا غريبه
................................
................................
يزينب يا غريبه 2
وحيده بْلا حمه الخدرچ وحيده
وخوچ حسين حزّوله وريده
يزينب يا غريبه 2
..............
صبر گلبچ يحرّه بْيا وصف صبره – المصاب البيچ ما مثله وْ فلا يجره
اخت مذبوح اخيها تْقبّله بْنحره – وْتمجّد بالاله الطاهره تْشكره
ابد ما ينوصف صبرچ - خلص حسره وْحزن عمرچ
رمز النه يظل گبرچ – وْ عله الظلام يا زينب شهيدة
يزينب يا غريبه 2
..............
دعيتي بْنحر اخوچ حسين تترجين – الهي فْدينه هالقربان لجل الدين اخوتي
وْخيرة الشبان نور العين – اِجو لارض الطفوف بْشوگ متلهفين
فدائية علي الكرار – ابد ما هابو الاشرار
فدو دين النبي المختار – رجال ابطال وفْو للعقيده
يزينب يا غريبه 2
..............
الضعن وعياله يا زينب صفت بحماچ – الخيم حرگوها والخدّر سبوها وْياچ
بْحقد والغيض جافوها وْ ولوها اعداچ – وْعليل حسين نار بْخيمته وْينخاچ
يعمّه اعيالنا احميها – بْخيمنه لا تخلّيها
اخاف النار تئذيها – المعين الله وْيرد هاي المكيده
يزينب يا غريبه 2
..............
عليله ايتامچ وْ ياهو اليداويها – نْچتل عباس ابو الغيره اليباريها
بعد فگده منو خْلافه اليحاميها – وْسُكينه تْنوح من يسمع نواعيها
وْرقيه من يصبرها – اللعين بْسوطه يضربها
بطوله الباغي يحسبها – باميره الطاغي يتفاخر يزيده
يزينب يا غريبه 2
..............
غريبه بْكربله مْسيتي بْلايه انصار – يمظلومه الحمل كلّه عليچ اندار
منو المثلچ يبت حيدر علي الكرار – عظيمه انتي وْابد ما همّتچ اخطار
لابن مرجانه حاججتيه – وابن ميسون خزّيتيه
ذليل بْحيره خلّيتيه – وابد والله ماهمّچ وعيده
يزينب يا غريبه 2
..............
صعب وصف اللي صار بْكربله والشام – مصايب كبره عشتيها بْحزن والام
بْمصاب الغاضريه انفجعت الاسلام – وْسبي عْيالچ يحرّه شْعملو الظلام
ولا واحد رحم بيها – عطاشه وْمن يروّيها
اليتامه تْريد واليها – سبوها الديرة الشام البعيده
يزينب يا غريبه
2
...................................
...................................
خادم السيّده زينب
عليها السلام
الشاعر الحسيني
سعيد الفتلاوي الطويرجاوي
................................
................................
يزينب يا غريبه 2
وحيده بْلا حمه الخدرچ وحيده
وخوچ حسين حزّوله وريده
يزينب يا غريبه 2
..............
صبر گلبچ يحرّه بْيا وصف صبره – المصاب البيچ ما مثله وْ فلا يجره
اخت مذبوح اخيها تْقبّله بْنحره – وْتمجّد بالاله الطاهره تْشكره
ابد ما ينوصف صبرچ - خلص حسره وْحزن عمرچ
رمز النه يظل گبرچ – وْ عله الظلام يا زينب شهيدة
يزينب يا غريبه 2
..............
دعيتي بْنحر اخوچ حسين تترجين – الهي فْدينه هالقربان لجل الدين اخوتي
وْخيرة الشبان نور العين – اِجو لارض الطفوف بْشوگ متلهفين
فدائية علي الكرار – ابد ما هابو الاشرار
فدو دين النبي المختار – رجال ابطال وفْو للعقيده
يزينب يا غريبه 2
..............
الضعن وعياله يا زينب صفت بحماچ – الخيم حرگوها والخدّر سبوها وْياچ
بْحقد والغيض جافوها وْ ولوها اعداچ – وْعليل حسين نار بْخيمته وْينخاچ
يعمّه اعيالنا احميها – بْخيمنه لا تخلّيها
اخاف النار تئذيها – المعين الله وْيرد هاي المكيده
يزينب يا غريبه 2
..............
عليله ايتامچ وْ ياهو اليداويها – نْچتل عباس ابو الغيره اليباريها
بعد فگده منو خْلافه اليحاميها – وْسُكينه تْنوح من يسمع نواعيها
وْرقيه من يصبرها – اللعين بْسوطه يضربها
بطوله الباغي يحسبها – باميره الطاغي يتفاخر يزيده
يزينب يا غريبه 2
..............
غريبه بْكربله مْسيتي بْلايه انصار – يمظلومه الحمل كلّه عليچ اندار
منو المثلچ يبت حيدر علي الكرار – عظيمه انتي وْابد ما همّتچ اخطار
لابن مرجانه حاججتيه – وابن ميسون خزّيتيه
ذليل بْحيره خلّيتيه – وابد والله ماهمّچ وعيده
يزينب يا غريبه 2
..............
صعب وصف اللي صار بْكربله والشام – مصايب كبره عشتيها بْحزن والام
بْمصاب الغاضريه انفجعت الاسلام – وْسبي عْيالچ يحرّه شْعملو الظلام
ولا واحد رحم بيها – عطاشه وْمن يروّيها
اليتامه تْريد واليها – سبوها الديرة الشام البعيده
يزينب يا غريبه
2
...................................
...................................
خادم السيّده زينب
عليها السلام
الشاعر الحسيني
سعيد الفتلاوي الطويرجاوي