تويت
بطاقات شعريّة تنعى فاجعة كربلاء
.................................................
....................................
مْنَ اوّل محرّم هل علّگنه بي الاعلام
تْلگّينه شهر الدم بالحسره والالام
هالليله يبدي الون عاللي انذبح عطشان
سبط النبي الاحمد سيّد بني عدنان
لمصاب ابن حيدر مدموم دمع العين
بْعاشور كل ميْهل ننعاه دمّ حسين
متحضّره طْويريج وابكل سنه بْعاشور
بْركضة عزاها تْصيح واويلي عالمغدور
هَلّيت يا شهر الحزن وبْيا حزن جيت
بيك المصاب اللي جره ما صار ياريت
مْصاب الفجيعه البيك ما منها يعاشور
تنعاها اَفلاك السمه والجنّه والحور
ايا محرّم اه يا شهر الفجيعه
الظلم الجره عْله حسين للعالم نذيعه
سِمعونه يالانذال اتباعه الاميّه
ما ننسه يوم حسين يشْرار البريّه
اِلعن يزيد وْصيح يا ثار الزچيه
ثار الشهيد حسين من ابن الدعيّه
اسود لبسنه عْليك يحسين يا مظلوم
من هالمسيّه النوح نبچي وْدمعنه دْموم
مْن اليوم يبدي النوح عالفارس العباس
ننعه اللي اِسمه امثال للغيره والنوماس
هذا الشهر يا حيف بي تنسبي زينب
آهن عليها وْاه بالغربه تتعذّب
ملعونه گوم العار ذبحو رضيع حسين
مفجوعه بي الگلوب لمصابه تدمي العين
ولد الوصي الكرار ذبحوها عالغبره
ما راعو الانذال كل حرمه للعتره
واسي النبي المختار يا شيعي بالمذبوح
وانصب عزاك اليوم واتلگّه شهر النوح
عزّو يشيعه امّ الحسن واسوها بحسين
ذيعو الجره والصار من كَوم الملاعين
يا كربله الاحزان بارضچ عرفناها
قصّة ذبيح الله منّچ حفظناها
شْما نكتب مْنَ اشعار عن كربله مْقصرين
ظلم الفجيعه الصار حزنت اله الدراين
انعه المصاب حسين بيه انفجع هالكون
والعن يزيد العار ابن الدعي الملعون
رغمن عله الانذال خالد تظل يحسين
دربك يبو الاحرارللموت بي ماشين
……………………………………
…………………………………….
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق