تويت
ماعندك عذر – يالتكتب شعر
مااعذرك لو گلتهه اتسلب الخدر
*******
بليل ازور امي الزجــــــــيه يختفي ظلي
الوالي حيدر ويه اخوتي كلهه من حولي
تطفه انوار المديــــــــــنه تخشه تنظرلي
والگمر نوره يتلاشــــــــه يخجل يصدلي
ترباة الولي ** بت حيدر علي
احنه قربان الشريعه نوفي بالـــــــنذر
مااعذرك لو گلتــهه اتســـــــلب الخدر
*********
هيبــــــــتي هيبة مُحمد سره من سري
صارت احزاني علامه موعظه بصبري
يخسه ذاكه الـــگال عني ضيعت خدري
لو احــــس شافو خيـــالي ينتهي عمري
هاذي مو ألي ** يشهد كافلي
بالمعالي وكل فضيله اسمي ينذكر
مااعذرك لو گلتهه اتســــلب الخدر
*********
بكربله اسرار ومعاني حكــــمة الباري
خدري ياشاعرنه اّيه تحــمل اســـراري
انته خادم واّنه اعرفــك مدمــعـك جاري
لا تگول ارسم مئاسي صوره باشعاري
اكتب عالحزن ** گلبي ممتحن
اّنه مثل امي الزجيه ضلعي منكسر
مااعذرك لو گلتهه اتســــلب الخدر
********
اّنه بت حامي الحـــــميه هــو رباني
بعصمه واداب ومفاخر سره غذاني
مااطخ راسي بمـــــذله يامـــه وصاني
خدري والعزه وشموخي ذني عنواني
اتحده الظلم ** واتحمل هضم
انته موتدري بشموخي عندي بالزغر
مااعذرك لو گلتــهه اتســـــــلب الخدر
*****
خدري قراّن ورســاله بيـــــــهه الولايه
من زمن اّدم يشـــــــــاعر خدري بيه اّيه
رحلتي للشـــام چانــــــت من اجــل غايه
افضـح بزودي النواصــب وارفــع الرايه
ذليت العده ** رددت النده
منا هيهات المذله نتهف بشـــــــــــــكر
مااعذرك لو گلتـــــهه اتســـــــلب الخدر
*********
عبره للعـــالم محنـــــتي وي نوايبنه
تاخذ الوادم صبرهه من مصــــــــايبنه
وادري مهضمومه وحزينه كل حبايـبنه
ظل املكم وي املنه بيد غايبنــــــــــــــه
سُنه للنبي ** نهجي ومذهبي
بالضُحى وطاهه اّنه ايه وايــة العـــصر
مااعذرك لو گلتـــــهه اتســـــــلب الخدر
********
تعليق