تويت
((آ يلأكبر))
******
آ يلأكبر// علّمتني أعله الدمع
آ يلأكبر// بيك يايمه أنفجع
ياكَمر عن ليلي غاب
كَلبي من دموعه ذاب
آ يلأكبر
**********
أكَعد أحسبهه الليالي وأحسب الساعه شهور
والدمع من عيني ينزف أبد مايشفي الصدور
يمَّه عنَّك يوم واحد أبتعد جنَّه دهور
أدعي بالخيمه تردلي وتمل كلبي بالسرور
الدنيه راوتني العجايب
كَلبي من دموعه ذايب
آ يلأكبر
**********
تدري لوليد أشمعزَّه على كَلب أمَّه بحضوره
حالهه شلون بغيابه تعمه لو فاركَت نوره
تنوح مهجتهه وكَلبهه وتمسح الدمعه السروره
ماني حكَي اللراح غالي والحزن ينتظر دوره
عليَّه دارت // دنيتي بهم وألم
عليَّه دارت // حالتي صارت عدم
عله راسي أتصب مصايب
كَلبي من دموعه ذايب
آ يلأكبر
**********
ترد عليَّه وكَلبي جمره بنورك أطفّي جمرته
ياعلي للخيمه أرجع وأمسح من الخد دمعته
ربّي يل رجَّعت يوسف بشوك أم أنطررجعته
آخروداع أرد أودعه بنوح روحي ودعته
ياخذ الروح // يكَصد الحومه بوفاءه
ياخذ الروح // يعلن بروحه فداءه
الابو اليمه العمر واهب
كَلبي من دموعه ذايب
آ يلأكبر
**********
شوصف بساحات حربه البكر ابن غانم يصرعه
وجبده شعلة نار تلهب للعطش صبره يجرعه
لسانه مثل الخشبه يابس بياض عيني نشف دمعه
رجع للحومه وجفاني آخر وداع آني أودعه
أموذّر يعود // صار حال الظيم حالي
أموذّر يعود // حزني يبجيهه الليالي
الدمع دم من عيني ساجب
كَلبي من دموعه ذايب
آ يلأكبر
**********
شبه جدَّه بكل معاني خلق وخلآقه المحمد
صرت أعيش بغير دنيَه وين عنّي الاكبر أبعد
هل المصيبه أمين أجتني خلَّه دمعي نار عالخد
كوَّه جنت أحسب يردلي ظنّي خاب وبعد مارد
نهار والليل // جرحه كلسا ينلجم
نهار والليل // صوره سوده أيمر حلم
أصرخ بثارك أطالب
كَلبي من دموعه ذايب
آ يلأكبر
**********************************
تعليق