نار بدليلي تسعر..........لشاعر المرحوم عزيز الكلكاوي الكربلائي

[محمد الموال]

نـار بـدلـيـلـي تـسـعـر ... مـاتـنـطـفـي يـالأكـبر
و الـنـارشـيـطـفـيها ... تحرق گلب راعيها ...ماتنطفي يالأكبر

نـام بـرغـد و تـهـنـه يـالـحققت آمالي ... ياثمر گلبي و عزمه
هـيـج الـولـد يـردونـه مـايعز دمه الغالي ... للدين يصخى بدمه
و ارفـعـت بـالـعـز راسي ادريك نعم الوالي ... و لگلبي تفرج همه
تـدري بـدلـيـلـي اشـصـابـه ... مـن الـفـراگ صـوابه
و لـمـهـجـتـي يـتـاليها ... و النار شيطفيها...ماتنطفي يالأكبر

يـومـك جـرح دلالي و ماشفت بعدك راحه ... و منين أجيب الراحه
و مـدوهـنـة خـلانـي و بـحربته الجرّاحه ... زيدت گلبي جراحه
و عـيـوني تربي و متشوف گلبي انطفه مصباحه ... يالشوفتك مصباحه
نــيــرانـك الـتـجـويـنـي ... و فـراگك الـمـاذيـنـي
و الـروح شـيـسـلـيـها ... و النار شيطفيها...ماتنطفي يالأكبر

يـبـنـي تـعبت بأيامك و اتلفت راحة ليلي ... لأجلك يا راحة ليلي
و الـمهد قلب أمك جان وگتي رهنته و حيلي ... يا عزم همتي و حيلي
و مـن طـالعك صفحة نور تنعكس و تضوّي لي ... بالعاطفة تضوي لي
سـهـم الـدهـر خـيّـبـنـي ... مـن صـوَّبـك صـوَّبـني
و الـجـبـدتـي مـاذيـهـا ... و النار شيطفيها ...ماتنطفي يالأكبر

يـالـمـرتـعـك دلالـي فـرقاك زيَّد نوحي ... و مساهرات عيوني
كَتَّت عليك دموعي و شلون شاغت روحي ... لأجلت يا صدگ ظنوني
ضـلـيـت أداوي جروحي يا بسمتي بجروحي ... و بضيعتك ضيعوني
صـابـت دلـيـلـي الـصـدمـه ... و يَـبِّـسـت دم بـجسمه
و جـروحـي شـيـداويـها ... و النار شيطفيها ...ماتنطفي يالأكبر

ردتـك ذخـر يـاولـيدي للعايزة ذاخرتك ... و ارسمت صورة حبي
لـوصـحت يبني النخواي بالعزم تشفي بهمتك ... عونج ياشوفة دربي
صـابـت دلـيـلـي الأيام و بكربله ضيعته ... و انطفت شمعة گلبي
أگضـي الـعـمـر بـالـحـسـره ... و دمـع الـعـيون اليجره
فـرگاك الـسـابـيـهـا ... و الـنار شيطفيها...ماتنطفي يالأكبر

[الياسري]

السلام عليكم عظم الله لكم الاجر بذكرى استشهاد الامام الحسين (عليه السلام) عزيزي واخي الكريم الشاعر الحاج عزيز الكلكاوي لازال على قيد الحياة وموجود في منزله في حي الحسين تحياتي لجنابكم الكريم