تويت
قصيدة / تْنوح الليله كلها الجعفريّه
............................................
............................................
تْنوح الليله كلها الجعفريّه
تْواسي حيدر بْهاي المسيّه
تنعه مْصاب بدر الهاشميّه
تْنوح الليله كلها الجعفريّه
........................
عله العباس ابن حيدر حزينه تْنوح – الالم بالشيعه لمْصابه ابد ميروح
وْعله مْصابه دمع كل شيعي دمّ يْنوح – بْگلب مملي احزان كلّه جْروح
عهد عالشيعه امام الله – ابد لمْصابه ما تنساه
ولا مر يوم ماتنعاه – الضّحه الدينه ما هاب المنيّه
تْنوح الليله كلها الجعفريّه
.........
مجالس نوح تنعه الما رضخ للعار – تِواسي امّ البنين وْعترة الكرار
رفع كل مجلسِ الرايات لجل الثار – بْحزم تتحدّه كلمن خالفِ الاطهار
وْتبع نهج الدعي الملعون – يزيد الباغي اِبن ميسون
الخزي والعار بي مقرون – عالعباس جار ابن الدعيّه
تْنوح الليله كلها الجعفريّه
.........
اعله ابو النوماس تنعه الدنيه والاطياب – عله الدار وْجره اعليه وْعله الاصحاب
وِرَث كل شيعي هالاحزان بالاصلاب – الم عالصار حزنت ناسه والاغراب
عليه تنعه وْتنوح الناس – ابو الغيره اَبو النوماس
الوفه بْاسمه ترا ينقاس – شبل الليث حمّاي الحميّه
تْنوح الليله كلها الجعفريّه
.........
لبو الغيره انحسب كل سابع بْعاشور – عزه بْهاليوم لجله وْيالزمان يْدور
مآتم تنصب الانصار عالمغدور – شباب وْشيب تحييها رغم كل جور
خصوص بْهاي الازمان – الظلم والجور كلّ مْچان
السبب هالداعشِ الشيطان – حرّف دين سيّد هالبريّه
تْنوح الليله كلها الجعفريّه
.........
اذا طحت بْرميّه وْكثرة الاهات – تِعَنّه وْروح للعباس ابو الكلفات
الاله الكون ناجي بْاسمه بالصعبات – الفرج تلگاه ما تنظام باللوعات
كرامات شْكثر عنده – اليجي وْيسال فلا يْردّه
وابد ميشوف كل شِدّه – بالشدّات اِنِدبه وْكل رزيّه
تْنوح الليله كلها الجعفريّه
.....................................
.....................................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق