تويت
هوسات للعباس عن حاله وحالة زينب عليهما السلام
**********
أخذ جوده وكصد للماي
أبن المارضه العازه
مجرَّب بالوفه والزود
وعده الحيدره جازه
خلَّه النهر وسط الجود
الماي بيمنته حازه
ها ها
أمعلَّم والله أمعلَّم
لو طب عالكلفات
**********
عيونه أعله الخيام أتصد
الوعد بالماي لخته أيرد
كَد الكلفه من يوعد
عله صدره الجود مايبعد
يروّي أيتام المخيَّم
تناطر ردّته وتعد
هاهاها
عيونه الماي عيونه
سكينه مواعدهه
******
ماخلوا يصل لخته
ولايروي عطش ليتام
والعامود صاب الراس
لاجن بقه عالي الهام
يسمع صرخة العطشان
يدري بلوعة المنظام
هاهاها
أتبدَّه الجود أتبدَّه
من كطعوا يمناه
*********
أعذريني يبت حيدر
ماخنت الوعد ويّاج
جفوفي يختي كطعوهه
يزينب عالشريعه لواج
دموعي عله الجود تنوح
لجل عيونج ومرضاج
هاهاها
أطفاهه العيني أطفاهه
سهم الغدَّاره
**********
يبو فاضل جوابي أسمع
منَّك ماأريد الماي
رد ياخويه لضعونك
كفّيت أو وفيت بهاي
يظل خدري يريد حماك
منته الاخو والحمّاي
هاهاها
براسي طاح براسي
صوابك بالعامود
**********
أماني يمنيك وعهدك
جبتني أمخدَّره وياك
يخويه الوعد ماخنته
شلّي بدنيتي بلياك
طحت وخيمتي طاحت
بعمري شلَّي بعد جفاك
هاهاها
دموعي أتظل دموعي
بحزني تواسيني
*********
يبو فاضل يبعد اختك
عمري شيسوه من بعدك
ياستري ويماي العين
عنّي ينكطع ودَّك
يبعد الروح ماردّيت
عله خيامي جزو حدَّك
هاهاها
بعيني الصار بعيني
عهدك وفّيته
*****************
أكَل لعيوني نامي من يجّن الليل
من صب الدمع ماظل بعلج حيل
عله فراك الاخو مصباح يومج ويل
يرد من الشريعه وأطش ورد وهيل
هاهاها
ظمّي دمع عيونج
باجر لمصيبه
****************
آنه الجنت أنام بسدَّه وتمنَّـــــــه
طفه عينه السهم يامحنة المحنه
بلآيه جفوف اخويه كَصد للجنه
لوجفَّينه عنده ياهو يدنَّـــــــــــه
هاهاها
أطيع الدنيه أيمينه
ويكَلب عاليهه
*************
منهو الكال أبو فاضل نساني اليوم
آنه ألّي نسيت أنخـــــــاه وكَلَّه كوم
كفاني الوفـــي بوكَفاته وعداه اللوم
وحك ضلع أمي والكرار والمسموم
هاهاها
يردس بيهه بزوده
بروحه أيحاميني
**************
الاخت تبقه تنخَّه بالاخو والجف
يطر العازه أبو الكلفات لفهن لف
روح أنشد عليه المشرعه والطف
شلون أعداي بيمينــــــه يكفه كف
هاهاها
جروف الشط تشهله
أتنومس وكفاته
**************
هوسات للأمام الحسين عليه السلام
******
جمع كل عيلته من أطفاله والنسوان
كَصد بيهم بعلمه ثوره عالطغيـــان
وصحبه وياه مثلهم ماكو بالازمان
دمه وأجساد ظلَّت شابكه التربــان
هاهاها
الدين أحياه بروحه
وبدمه أحيانه
*************
وين أهل المروضّه صاح صوت الدين
أستغاث وماسمع واحــــــد يوفّي الدين
عله آخــــــــر نفس لحَّك عليه لحسين
أبن أشرف نسل وبن الوفــــه الطيبين
هاهاها
شجرة دينه بدمَّه
بالطف أرواهه
************
زهير وعابس وجون وحبيب وحر
حسين الروح ألهم عنَّه عازه أطّــر
جلمات الرضه من شفايفه تنطــــر
بوثبات الاسد الجنّته يعبــــــــــــــر
هاهاها
الجنَّه أتريد الوثبه
بزما ط الكلفه
***********
دنيه وآخره وي حسين مثوانه
وينه الّي يحبــــــه يجي ويّانه
بسفينة رحمته ويّاه خلآنــــــه
والمؤمن محبته اليوم عنوانـه
هاهاها
رواح أطوف بصحنه
وكَلوب أتزوره
***********
التاريخ سشهد وينــــــــــه من عاداك
يدنك ألواه وانته عالـــــــي ظل لواك
اليحبك روحه ألك ماخاب من والاك
ينادي ياحسين دماي روحــــي فداك
هاهاها
مالت بينه الدنيه
يمعدل الميله
************
تعليق