طوعه تحشم مسلم ع

[ابو زينب الظالمي]

هالحان سيفك يومه
ابيمناك هز الحومه//المستهل
----------------------
گوم رد اعداك ضيغم يا سفير.
گوم ذكرهم بصولات الامير.
يامن الاملاك بيكم. تستجير.
جفك ايلوح المعالي دومه.
--- ------ -----
فِزعت الكوفه وسَفِك دمك تريد.
عافوا الاخيار وختاروا يزيد.
ﻻ تظن هذا الحصل منهم جديد.
عمك الكرار مَعظم يومه.
---- ------ ------
گله مسلم ما يخوفني الخطر.
ألحيد أنه ومعرَفِت غير الظفر.
اعلومي للغايب يبلغه الحِظر.
لهب سيفي للبرزلي يسومه.
------- ----------
انه يا طوعه صدگ يمج وحيد.
ﻻجن ابعزمي ألاوي هالحديد.
ألوف هُمه وهالجمع يمي اشيفيد.
فنون حيدر كون ارد وعلومه.
----- ------- ---
ما يگع بيدي يمسلم حتى اعين
شكبره همك ولاحصل بيهم امين
وگفتك هاذي تِخلده السنين
وتستجي منه الزلم معلومه.
------ -------
يگله همي مو ﻻن جاني العدوا.
همي كل همي اعلى ولياني الحدوا.
اشلون بيهم لو لعد كوفه اجوا.
حسين لو طبهَ تزيد اهمومه.
-------------------
بس وصيه مني وصليه لهلي .
من يمر يمج ظعن عيلت علي.
دوري بالاطفال بس طفله إلي.
وخَبِريهَ أبمحنتي وبالحومه.

[الأزري]

عظم الله أجوركم
وبارك الله بكم

[ابو زينب الظالمي]

عظم الله لكم الاجر اخ الازري
ووفقكم لخدمة اهل البيت ع

[ابو زينب الظالمي]

يا باب الحوائج يا مسلم ابن عقيل