إعـــــــلان

تقليص
لا يوجد إعلان حتى الآن.

طـفلـه من الفـرح بالآه مفطـومه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طـفلـه من الفـرح بالآه مفطـومه

    ماتت رقيه اعله الراس
    ريتــك شفـت يا عبـاس
    .........
    رقيه بالخرابه تبجي مهضـومـه
    مثلهه هم شفت ياخويه مظلومـه
    ياوسفه من اهلهه والله محرومه
    طـفلـه من الفـرح بالآه مفطـومه
    ليش اگطعت يانبراس -- ريتك شفت ياعباس
    .........
    متـنـام اللـيالي وبالحـزن تسـهـر
    عله فراگ الحسين الطفله ماتگدر
    لبوهـه تريد ساعه وساعه للأكـبر
    تـون بالـون دلـيلي والنبـي تفـطـر
    للونه صارت مقياس -- ريتك شفت ياعباس
    .........
    تحلفني ابضلع امي ودمعهه انهار
    تسـألني يعـمه عليـج الله اشـصار
    سافـر ويـن ابـويه لـديرة المخـتـار
    صاحت ليش راح وخله گلبي ابنار
    وين الكفلنه ياناس -- ريتك شفت ياعباس
    .........
    تون وتنـوح من السـوط خلوهـه
    عله الرجلين والمتنين ضربوهه
    لوعوهه ابضربهم حيل لوعوهه
    ومثل حسين رادوا هم يسحگوهه
    بلخيل رادت تنداس -- ريتك شفت ياعباس
    .........
    عليمن عمه شمسويه يضربوني
    هاي الناس ماضنهم يرحـمونـي
    ومن كثرالسياط انحفرت امتوني
    هواني شردت بس ماي يسگوني
    عگبك ولوهه الارجاس -- ريتك شفت ياعباس
    .........
    صبرت هواي گالت عمه حكمي بهاي
    عطـشانه وگـلتلـه العمـي اريدن مـاي
    مـاردلـي وابـويه شگـد تـنـيته هــواي
    شفـتـه بالحـلم گلـي تعالـي ويـــــــاي
    كلهه براءه واحساس -- ريتك شفت ياعباس
    .........
    فــزت من حلــمهه تريـد والـيـهه
    وجابوا راسـه ونـتـله ويون ليـهه
    حضـنت راسـه وتعالت بواجيـهه
    وعلي السجاد ماتت صاح ارفعيهه
    من عدهه خمدت الانفاس -- ريتك شفت ياعباس
    .........

    بقلمي عآشقة زينب عليها السلام



  • #2
    بوركت ياعاشقة زينب ع

    تعليق


    • #3
      واجوركم اعظم

      سلمكم الله من كل سوء

      تعليق

      يعمل...
      X