صرخـــــــــة الزوّار

[خالد محمد مهدي الحجار]

اسم القصيده {اتنادي الزوار}
""""""""""""""""""""""
حكهة الزوار الزوار** تنادي يحسين
هيهات منَّه الذلــــــه** بدربك ماشين
دمعة وعبره// يبن الزهره
********
خلَّي تتجند علينه بني العباس واميه
هذا خط كل النواصب أعلن امواجه نبيّه
حارب ودرَّس وفجَّرضد الصرخه الحيدريه
اجتمعت اصحاب الجزع
الاّمر الناهي الطمــــــــع
ضد علي افتوا بالبــــــدع

خلهه تتجند عليـــــنه
بدرب الاخطارالاخطار**منهاب نفوت
والشيعه بحبك مجنونه** تسحك عالموت
بكبره اتحضره // يبن الزهره
*********
مرت ازمان وبعدهه أطّول لأّيام القيامه
وسم للمؤمن محبتك ونالهه الاشرف علامه
بمال ضحَّه وفده روحه وأخذ بجفوفه وسامه
اشكال ونواع الفتن
مرت علينه والمحن
وبمصايبه دار الزمن

وياك بس درب السلامه
انّادي ثارك ثـــــــارك** يايوم الطف
وبيوم الصيحه بفجرك**علم رفرف
الشيعه اتنصره// يبه الزهره
*********
كلوبنه تنادي وضمائراتصيح بسمك يبواليمه
عهد عد االه ورسوله وبالشرف وقَّعنه ذمه
يومه بالتاريخ واضح حيه حسين الدين دمه
ننصب مآتم بالكلب
وشعائرك بكل درب
لجلك نواجه الصعب

زلم كلفه وزود همَّه
بسيف الاشعار الاشعار**نجدد عهدك
والمنبر يعله صوته ** بحبنه او ودَّك
بعزم وقدره // يبن الزهره

******
من يأمن بيك يحيــــا ويصعد وياك السفينه
شراعهه جفوف ابو فاضل للنجاة تسيربينه
كل بحر أظلم تعبره ياحسين ايدك بدينه
الشاطي الامان اتوصله
والعمل منه تقبـــــــــــله
وياخذ ابحبك منزلـــــــه

بكثر تضحيته وحنينه
متحدنه حدود حدود // يابو الاحرار
والنصرك تعله الرايه // يابو الثوار
ايحصل فخره// يبن للزهره

********
من البشر نوعين ضدَّك الماعرف نورك وابصر
حاكم شما كبر ملكه يشوف نفسه كَبالك اصغر
ذاك جهله من يعذره وهذا بأستكباره قرر
بالسوط والنار الحكم
يظلم يعلِّم عالظلم
العقل جاهل بي عقم

بليلهم لاصبح يظهر
زمرة اشرار اشرار// أرهابيَّه
والسوط ابئيد امريكا // والبعثيَّه
الشيعي وصبره// يبن الزهره

[خليل علي الزبيدي]

عظم الله اجوركم وسددكم الله

[خالد محمد مهدي الحجار]

ممنون من كل قلبي

[شيعية وافتخر]

عاشت ايدك اخي العزيز وعظم الله اجورنا واجوركم بمصاب سيد الشهداء ابا عبد الله الحسين ( عليه السلام )

[خالد محمد مهدي الحجار]

بدماء النحر أرتقى المجدا
فأصبح للناس منهلا ووردا
ممنون لمروكم وفيضكم العذب
شكرا ممنون