دمك سكن وسط اللوح

[ابو زينب الظالمي]

دمك سكن وسط اللوح وبساكَـ العرش جاريه

عطشان عاري ومذبوح وغسلك صبح ذاريه
مظلــــــوم ياســــيدي

*** ***** ****

اليوم مكَــــدِر والفلك وجه أحمـــر

جن دامي صبحه ومغبر ومعلن شر

جسم الرســـول أعلى التراب أمعفر

والعيله هاجت بالبر ومحركَه أصواوينه

**** **** * ***** *********

فوكَـ الثرى ماوكَع جسمك يحســـين

لا بل هذاك الطـــاح ســـــــر التكوين

شحال الرســـول وكَلبه الباري أيعين

ولا نحرك الحزه السيف نحر النبي الفارينه

***** ***** **** ******

رب الســما بالخــــــلد دمك راده

وناعي الحزن بالملأ بســمك ناده

وإلنه اللطم مــــولاي صاير عاده

*ونجري الدمع لجل حسين لو بس يمر طاريه

*******************************

ياإبن داحي الباب ، يل بيك اسمه الاعظم

إنت ركـــــــن للأيمــــان وبطيحتك أتهدم

درب الهدايه يحسين والنصر دمك يرسم

*بيك إرتفع صرح الدين ، يا آخره وباديه

***** ****** ***** *******

يا بحــــر معنـــى المصحـــف وأياته

يا عصــــا موســــى إلنبـــي وتوراته

يا وارث لعــلم الرســـــول وذاتــــــه

*إنجيل عيسى ومرفوع وشبه لهم عالينه

***** ***** ***** ******

تنجاب كـــل دعــوة عبد من قــــربك

بهالمكـــرمه يحســـــين خصــك ربك

فــــاز ونجــــا والله كلــمن حــبـــــك

*وحاشا لمقامك مولاي جن وإنس حاصينه

يالنجا أدم وسيرت فلــــكه لنوح

يا منجا إلنه وبالشدد ليك أنروح

لَشيعه كبرك صار معراج الروح

*كبرك شفه لكل مجروح بس هوَ ليشافينه

****** **** ******** ********

مو عجبه لمصابك لون تمطر دم

يلي بخِــــدمتَك كل ملك يتوســـم

يا وارث وعالانبيــــاء امقــــــدَم

*بدمك ثبت هذا الدين يا ناصره وحاميه

نسألكم الدعاء

[خليل علي الزبيدي]

دمك سكن وسط اللوح وبساكَـ العرش جاريه
عطشان عاري ومذبوح وغسلك صبح ذاريه

شكرا لجميل ماتسطر وجودة ماتعبر بوركت ياابو زينب الظالمي

[ابو زينب الظالمي]

اشكرك اخي ابو امنه
لا تنسونه من دعائكم