تويت
مظلوم ** مظلوم ابن الزجيه
مذبوح عطشان بالغاضريه
**** ************* ***
يا شهر عاشور يل ما مثلك أشهور
ريته صبحك لا طلع ولا شاف أبد نور
بيك سادات الورى ذولاكَ البدور
بين طعنات وسبي وما بين منحور
وأبن الدحى الباب وبن الزجيه
مذبوح عطشان بالغاضريه
**** ***** *****
إنتَ يالمظلوم محد شاف همك
تنذبح عطشان وعاري يبقه جسمك
إبلا غسل وكفان ولا كَبر اليضمك
أتظل ثلث تيام وغسلك فيض دمك
ومطروح مطروح فوكَـ الوطيه
مذبوح عطشان بالغاضريه
ويلي جسمه بالشمس بحرهَ تصهره
والأهل ما بين صرعه وبين أسره
والاعادي بخيلهم رضرضت صدره
لجله أصرخ يالمحب وسجب العبره
وللموت للموت أنصب عزيه
مذبوح عطشان بالغاضريه
**** **** *****
شيعه واسوا المصطفى وبجوا لمصابه
ونوحوا للي من الدمى صاير خضابه
بيا ذنب بالعاشر أمذبحه أصحابه
ولا عشيره ولا نصير ولا كَرابه
وبولية أعداه وحده الشفيه
مذبوح عطشان بالغاضريه
**** **** *****
يحيى مثلك بالبغي محزوز راسه
بس صدره محد هشمه وبالخيل داسه
ولا رضيعه بين أديه خمدت أنفاسه
ولا رميه أعلى النهر يبقه عباسه
ويسرا ويمناه حزوهَ أميه
مذبوح عطشان بالغاضريه
حكَه تغتاض السمه ويبجي دمه الكون
أمصابك مثله ماجرى ولا مثله أيكون
ألكم الماي أنخلق أوتجري العيون
تالي يم شاطي النهر عطشه تموتون
ولحتى ألبالمهاد تلفي المنيه
مذبوح عطشان بالغاضريه
**** **** ******
أعلى الرمح مرفوع راسك ويتلوا أيات
أهل الكهف أياتهم لا مو عجيبات
بس عجيبه من الحرم يمشن سبيات
ولي يحدون الضعن يا ويلي شمات
وكفال الظعون جثته رميه
مذبوح عطشان بالغاضريه
نسألكم الدعاء
تعليق