تويت
هالعهد كتبناه وي الزجيه
ما نعوف المظلوم بالغاضريه
إبدمك قسسمنا وهالقسم نُبره
يلي انت بكَلوب التحبك أدره
معنى العشكَـ لا زم علينه نفسره
وشنهوا الي عافك بالقيامه عذره
*ما تخوفنه حشود وخيول أميه
لا ما نعوفك يا إبن ولينه
وأنت ألي واجب نصرتك علينه
نشري حياتك لو يصح بدينه
والعمر بعدك إلمن مخلينه
*ولو حلى طعم العيش ، بهاي الدَنيه
ينصرتك بالطف غدت هدفنه
أودونك نضحي النفس هتفنه
درب الهدايا دربك ايعرًفنه
يا عز كرامتنه وسبب شرفنه
*ما نعوفك هيهات حتى المنيه
إشما زادت المحنا وقست طفوفك
بس انت بالعالم بقينه انشوفك
ركن الديانه ولاتظن نعوفك
كعبه أنت يحسين ونريد إنطوفك
*ولابسين الاحرام ، هاي المسيه
أنت هوانا وأصبحت قدرنه
الارواح لجلك سيدي نذرنه
من فضل صبرك نستجي صبرنه
لا ما نتركك وأجتمع أمرنه
*ويرتفع هذا الصوت مِنا سويه
أنت الي باجر بالحشر سيده
وكَوم التضدك بالقيامه أشعده
بس الخساره والشِكَا وارده
ومنهوا إلي يصبح بالشدد سنده
*أومكرماتك مولاي كله جليه
يلي جلالك سيدي رباني
حبك يدور بكَلبي وبشرياني
وحكَـ الي رافع راسك وسواني
إسمك يظل يبن النبي عنواني
*ومن صُحبتَك مولاي بينه سجيه
نسألكم الدعاء
تعليق