تويت
ياشبيه ال عودك
ياشبيه ال عودَك ++ هاي ساعة زودك
***** ******
انه من حيدر وصيه وهي ألك منطيه
اشلون يامغوار أختك تمشي وتخليه
لو رحت عنها يكافل العدو يسبيه
وهي بت حيدر عَزيزه سر محمد بيه
**يلي خدري أحدودك +++ هاي ساعة زودك
ياعظيم الشان دومك ألحرب شاريه
يل علي الكرار جنك جورتك حاميه
قلعه يا عباس ظلك كلنه نِلجأ ليه
**ترضى بالعيله سبيه والشمر حاديه
*عليك يشهد جودك ++ هاي ساعة زودك
هذي خيل إعداك هجمت والخيم منواها
بس حرم واطفال ظلت ولا محامي وياها
كربلا أتعنونت بسمك كَوم شيل ألواها
تدري أبزينب وحيده والزمن لاواها
**اليوم وفي أوعودك++هاي ساعة زودك
شبوا النار أبخيمنه والحرم سلبوهَ
أيتام وأطفال وفواطم بخيلهم داسوهَ
والله محتاره بقيت وأنه منهوا ابوهَ
شنهي اسوي وأنا زينب والهزل جابوهَ
**خويه رد أزنودك++هاي ساعة زودك
أنه أخت عباس كَتله والله لو كظ سيفه
الحومه يكَلبه كَلاب والمنايا بكيفه
ردلي بلسان الشماته أيزيد مو خذ حيفه
صرعى كل أهلج يزينب والخدر مر طيفه
**هيبتي بوجودك++هاي ساعة زودك
خويه هاك اسمع رقيه لك تبث شكواهَ
ما أريد الماي تصرخ تريدك انت وياهَ
خيمه بس ردتك يعمي نلتجي بحماهَ
وين عني أبطال هاشم وين راح ألواهَ
**يالورثت إجدودك++هاي ساعة زودك
ما أريد أقسي بعتابي والمحن أحجيهَ
لو جبل جاهم تصدع مادريت أشبيهَ
شده يا عباس شده سفرتي الأمشيه
من عكَب عينك والأكبر العدو حاميه
**والحرب مكَصودك ++ هاي ساعة زودك
نسألكم الدعــــــــاء
نسألكم الدعــــــــاء
تعليق