يحادينه وينك

[خالد محمد مهدي الحجار]

يحادينه وينك // معتازه يمينك

خذوني يسيره // من ديره أعله ديره / مصيبه جبيره

*******

جنت يابو الفضل خيمة ستر خدري

ومن عيناك أشوف بعيني ضي فجري

يدهري شبيك أخذته وما خذت عمري

ما تعرفني زين ومعرفت صبري

أظل بمراري // مظلم نهاري

يخدري ومصيره // من ديره أعله ديره / مصيبه جبيره

*******

أريدن عيني تطفه من سهم عينك

ياهو ألّي يدلّيني أعله جفّينك

وقبّل يسرتك بدموعي ويمينك

ماأكَدر أعينك الله ليعينك

تطول الليالي // أعله فكَدك يغالي

تقبلهه ابو الغيره // من ديره أعله ديره / مصيبه جبيره

*******

تدري شخذت منّي من رحت للماي

وشخليّت ياخويــــــــــه يبعد جلآي

خذت ويّاك كل فرحه وأخذت الراي

على جرف النهر ماشفت نوح بجاي

الرايه خذتها // خيامي عفتها

يحيرة الحيره // من ديره أعله ديره / مصيبه جبيره

*******

يساقي شكَال كَلبك من عفت أختك

وي خدري البجاك أبجيتك أندبتك

وانته عالثره تسمعني من صحتك

بكل ظيمي اليمرني ياوفي أعذرتك

يامن وفه بوعده // أحضرني هالشدَّه

هالشدَّه عسيره // من ديره أعله ديره / مصيبه جبيره

*******

جنت أنخاك ماردّيت كلفاتي

وعن أمتوني تحملهه المعاناتي

يبو فاضل بعادك زاد ونّاتي

جفوفك وين من يمسحها دمعاتي
الدمعه جمره // وبصدري حسره

أمير وأميره // من ديره أعله ديره / مصيبه جبيره

*******

[نور من الله]

زينب غصبا اعليها راحت
عذرت كافلها لما راحت
شافت اخوتها على الثرى لما راحت
يا حادي زينب مخدرة وتظل مخدره حتى لو راحت
يا حادي ظعن زينب اياك تشتم الزهره وتسب حيدره زينب وياكم راحت
كلها ستر وعفاف وحياء المï»»ئكة ظللت اعليها لما راحت
حتى العدو ما يشوفها لما راحت

عظم الله لكم اï»·جر
احسنتم وبارك الله فيكم
وفقكم الله لكل خير جعلكم من خدمة ابي عبدالله الحسين عليه السلام

[خالد محمد مهدي الحجار]

ممنون لفيضكم المبارك
لقد تحملت سيدتنا ومولاتنا زينب الحرَّه أم المصائب انواع من الالم
ورأت وسمعت مالاتستطيع الجبال تحمله

سلآم الله عليها وعلى صبرها الجميل

شكرا // ممنون

[الأزري]

موفقين اخ خالد

[خالد محمد مهدي الحجار]

ممنون من كل قلبي مع ودّي وأحترامي
شكرا // ممنون