(قصيدة .. بقلميــــ..) سؤال للتاريخ : ماهي افضع جريمة ارتكبت بحق الانسانية ؟

[لواء الطف]

السلام عليكم اخوتي اخواتي الكرام

هذه بعض الكلمات كتبتها لمصائب أهل البيت (عليهم السلام) في عاشوراء وبعدها

أسأل الله القبول ورضا اهل بيت نبيه (صلى الله عليه وآله)

وأسألكم الدعاء


سؤال عندي للتاريخ عنوانه &&& ارد اسأله واسمع چلمة السانه

وابيّن له گبل ما اطلب التوضيح &&& عن وگت ال مضه وراحت ازمانه



ادري بآدم اللي اختاره رب الكون &&& ومن روحه نفخ بيه ورفع شانه



وادري ابليس لمّن بالمكر وداه &&& للشجره ويگله ناصحك آنه



وادري بآدم الاحزان حاطت بيه &&& بچتل هابيل تحت ايدين خوانه



وادري بنوح لمّن خاض بين ابحور &&& بيها جبال من امواج هيجانه



وادري بالخليل انشمر للنيران &&& لمن ما قبل نمرود واعوانه



وادري بالنبي يعگوب لمن شاب &&& راسه من الوجد من كثرة احزانه



وادري بيوسف الصديق من يشتاگ &&& دموعه اتصير مثل المطر لو جانه



ذبوّه اخوته ابير الحقد گبل الماي &&& ورادوا موتته ياحيف خوانه



وادري بموسى لمن وصل يم فرعون &&& اجه بايات منهه ايه باردانه



وادري بعيسى لمن قدّموه للموت &&& الاله ادّخل وبيّن له برهانه

وادري بالنبي يحيى انذبح مظلوم &&& وراسه بالطشت جدّام سكرانه



وعن ابو الزهره شحچي مالي لسان &&& عادته اليهود وهبل واوثانه



وگلبي ينفطر من اذكر الكرار &&& ابليس جيّش له الجيوش وحزّم فلانه



ومن اذكر ابو محمد حيلي يروح &&& من عايش ناس غدّاره وفتّانه



ومن اوصل لابو الاكبر توگف الاقلام &&& كل نفيس اعطى للباري سبحانه



لاچن مادريت بمحنة السجاد &&& شاف ابو اليمه وحيد ابين عدوانه



يعاين عل الارض ويشوف كلها اجساد &&& تروّي بالدمه هل الكاع عطشانه



يشوف اگمار غابت في بطون الحوت &&& وانجومن هوت من عالي اسمانه



ويسمع بالاذن اشماتة العدون &&& وامره يا وسف بيد ابن مرجانه



بحديد امگيّد وللشام ودّوه &&& وتسيل دمومه فدّيناه بدمانه



وربات الخدر بحبال مچتوفات &&& تشوف من العذاب اشكاله والوانه



ومن غير الولي تسير وي عدوان &&& بعين مطرت دمه واگلوب حزنانه


وتطب لمجلس الطاغي بوجه مكشوف &&& يعاينها ويشير عليها ببنانه


جدامه بطشت راس السبط مطروح &&& يضرب بيه كسّر سنّه بالزانه


ومصايب وي مصايب ما لها حساب &&& شما احچي بعد ماهي خلصانه



ارجع واسألك گلي يا تاريخ &&& صاير هل حچي يو ذاني وهمانه



صدك هذا الحچي لو چلمة يگولون &&& يسمعها چثير ويغلگ آذانه



بچه التاريخ لمن سمع هجلمات &&& صدگ گال الحچي وغلگ ديوانه


صدگ گال الحچي وغلگ ديوانه



اخوكم ابو محمد علي يسألكم الدعاء

[الأزري]

بوركت سيدي الكريم لواء الطف وأيدكم بورثة الانبياء وحفظة المنهج الالهي محمد وال محمد وجعلهم حصنكم يوم لاينفع مال ولابنون إنه سميع مجيب .

[لواء الطف]

بوركت سيدي الكريم لواء الطف وأيدكم بورثة الانبياء وحفظة المنهج الالهي محمد وال محمد وجعلهم حصنكم يوم لاينفع مال ولابنون إنه سميع مجيب .

ان لشرف عظيم ان نتواجد تحت خيمة ذي الجود ليجود علينا بالنعمة

وفي رحاب صاحب الفضل أبي الفضل (عليه السلام) ليغمرنا بكرمه

ونحظى بالتفاتة من مشرفينا الافاضل فنتبرك بدعواتهم ونتعطر بمروهم

شكري وامتناني لكم استاذي الفاضل (الازري )

دعائي لكم بدوام الموفقية والخير والسعادة والحفظ والسلامة