تويت
قصيدة / احباب الحسين
....................................
....................................
قصّة طفل مذبوح اقروها يا ناس
اقره بْتأَنّي وْشوف افعال الَرْجاس
مشايه لجل حسين وتْعزي الاطياب
طفل وْ ابوه اوياه قصّتهم احزان
صعبه وْ طريق بْعيد واتحيطه الاخطار
لابنه الابو يْداريه وگليبه لهفان
وْكلما يشربه الماي بچفوفه يرويه
ويْعلمه بالمظلوم والمات عطشان
بْلحظه انفجار يْصير ويْطشْرِ الاجساد
صاح الابو يا ناس ابني بْهالِمْچان
وينك يبويه يْصيح جاوبني ارجوك
طايح لگاه مذبوح وبدمّه غرگان
گام وْ حفرله هْناك بِمْچانه خلّاه
وراح الابو الاحرار يشكيله حزنان
اقره الروايه وْ شوف احباب الحسين
ما همها كل تفجير مليانه ايمان
.....................................
............................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق