نواعي لمصاب السيدة رقيه ( ع )
................................................
...............................
نْعزّي الامين اليوم والزهره الزچيه
وْننصب مجالس نوح عالطفله رقيه
شافت عذاب وْ ضيم والوان الاذيه
ماتت غريبة دار بت حامي الحميه
..............
انصارك يبو السجاد تنعاها الرقيّه
من كربله للشام ودّوها سبيّه
سْياط الحقد والجور راوتها الاذيّه
وبْمجلسِ الطاغوت وافتها المنيّه
.............
عگب الجره والصار بارض الغاضريّه
تْجدد عزاء جْديد عالطفله رقيّه
كل شيعي ينعه اليوم ويْعزي الزچيّه
بْتّ الشهيد حسين فخر الهاشميّه
..............
وينك يناعي اليوم تنعاها المصيبه
مْصيبة ابو الاحرار وِعْياله السليبه
اِنعه يناعي وْ نوح عالماتت غريبه
وْعزّي الوصي الكرار والعتره الحبيبه
وْعزّي الوصي الكرار والعتره الحبيبه
..............
ننعه وْ ننوح عْليچ مولاتي رقيه
بْهالفاجعه ننعاچ ونْواسي الزچيه
من فعل ابن سفيان صارت هالبلّيه
بسْياطه هالملعون شِفتيها المنيّه
............................................
................................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق