تويت
نواعي لمصاب الامام الحسن ( ع )
.................................................. .....
....................................
....................................
وينه الينوح اليوم وينه - اِعله المصاب البالمدينه
وْ ينعه الامام الغادرينه - گوم الغدر واهل الضغينه
..............
سابع صفر يوم البليّه - يوم الاسه عالهاشميه
واعله الموالي الجعفريه – مْصاب الحسن والي الرعيه
..............
الشيعه تنوح بهالمسيه - سَمّو عميد الحيدريه
ابن الوصي حامي الحميه - فخر الامامه الهاشميه
..............
لسان حال الامام الحسن ( ع )
....................................
............................
............................
شيل الطشت يحسين يمّي لا تخلّيه
خيّتنه اجت عالباب ماريدن تِصِد ليه
دمّ الچبد يا بو علي عن زينبِ اخفيه
الموقف عليها مو سهل اكره تِمُر بيه
.........
ناعيكم آنه رْويحتي بْهاي المسيّه
مْودّعكم الله وْحان ساعتها المنيّه
بِحشاي نار وْتستعر من هالرميّه
فت الچبد سمّ الغدر سمّ الرديّه
.........
مظلوم يا سبط النبي وْروح الزچيّه
آ يالزكي المغدور بسْموم الشقيّه
بْهذا المصاب الصار مفجوعه الرعيّه
وْنصبت مجالس للعزه بْكل البريّه
.........
ون عالكريم المجتبى وانصب عزيّه
بْهالليله واسي المصطفى وْحامي الحميّه
بْهالليله واسي المصطفى وْحامي الحميّه
بِمْصيبة السبط الزكي واسي الزچيّه
هذا المصاب اللي جره من آل اميّه
..............
هذا المصاب اللي جره من آل اميّه
..............
لجلك امام الدين منصوبه المآتم
ننعه وْ ننوح وانعزّي الفواطم
يبن الوصي الكرار يا فخر الهواشم
وْيانه الفلك ينعاك يا راعي المكارم
..............
كلها البريّه تنوح تنعاه وْ حزينه
تْعزي النبي المختار والحرّه الامينه
والوالد الكرارحادينه وْ ولينه
.........
شيل الطشت يحسين واخفي البليّه
وامسح دموم احشاي لو بانت عليّه
وامسح دموم احشاي لو بانت عليّه
خايف تشوف دْماي خيتي الرضيّه
وسفه وْ الف ياحيف من هاي الرميّه
وسفه وْ الف ياحيف من هاي الرميّه
.........
واسي العقيله وْ نوح عزيها بْاَخوها
عزّيها بالمسموم هالليله افجعوها
گَوم الحقد والغيض بالوالي افزعوها
فوگ اليتم هاليوم زينب روّْوعوها
.........
ننعه وْننوح عْليك وانعزي الفواطم
سبط النبي المختار ياعزّ الهواشم
يبن الوصي الكرار فخر اهل العزايم
وْيانه الفلك ينعاك يا راعي المكارم
...................
لسان حال زينب ع
.............................
...................
...................
وبْلوعة الاحزان مفجوعه وْ تِنادي
نفديلك الارواح ياروحي وْ ودادي
يبن امّي يالمهيوب يامهجة فؤادي
عملوها هالظلّام جعده والاعادي
..............
وينك يبويه اليوم جيب امنه الحزينه
وْشوفو الجره والصار مفجوعه المدينه
بويه الحسن غدروه بسْموم الضغينه
بْسم الغدر مصيوب من جعده اللعينه
.........................................
............................
خادم اهل البيت ( ع )
الشاعر الحسيني
سعيد الفتلاوي الطويرجاوي
تعليق