إعـــــــلان

تقليص
لا يوجد إعلان حتى الآن.

هنيّاله المشالك

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هنيّاله المشالك

    هنيّاله المشالك

    ******

    هنيّاله المشالك // خادم تعنّالك

    أجه وبالعين دمعه

    نبض كَلبه تسمعه

    *******

    شايل كَلبه بيمينه بيساره الروح

    يمشي بدمعة عيونه أو ونين الروح

    أجاك وتدري بيه شجم جرح مجروح

    يرجاك برجه الله أتعينه يامذبوح

    تدري بي شعنده // يدري ماتردَّه

    ببشاره تودعه

    نبض كَلبه تسمعه

    *******

    يواجه هل المخاطر صابر أيمانه

    وهيهاتك سلاحه بوجه عدوانه

    من الذر يغالي انته عنوانــــــه

    أحنه الشوك بينه ألك ودّانـــــه

    أنته كل فخرنه // عله محبتك صبرنه

    جبل شامخ وقلعه

    نبض كَلبه تسمعه

    *******

    على درب الشهامه شال راياته

    تحت جدامه تطوي الكَاع خطواته

    سكن حبَّك بكَلبه وعايش بذاته

    متهمه المسافه أيحب معاناته

    ناذر ألك عمره // بعينك شاف فجره

    من يكَدر يمنعه

    نبض كَلبه تسمعه

    *******

    أيام وليالي بتعبه يكَظيهه

    برضاكم سيدي نفسه يمنّيهه

    ترضاهه بخدمتك منته واليهه

    وبكَلبه الشعائر دوم يحيهه

    بحبه وبجنونه // عهدك مايخونه

    لصعب مايردعه

    نبض كَلبه تسمعه

    *******

    على درب المودَّه مضايفك تعمر

    تهلّي أتمرحب بزوارك أو بالمر

    يابواليمَّه حبَّك بالكَلب أثمر

    ماهمنه اليعادي والحقد اضمر

    تذِّل الشدَّه وتهون // والكل ألك ممنون

    أله بكل سنه رجعه

    نبض كَلبه تسمعه

    *******

    شما طال الدرب يمشي ألك بصرار

    لو ربع السقيفه تزرع الأخطار

    محبتك للموالي حرَّمتهه النار

    وجدانه وضميره ناده صوته الثار

    اليلحّك بالسفينه // يمن الله تعينه

    أيمانه يدفعه

    نبض كَلبه تسمعه

    *******

  • #2
    حبيبي خالد بارك الله فيك لهذه الشاعرية المبدعة تسلم

    تعليق


    • #3
      ممنون أخي ابو فلاح لفيضكم المبارك
      وشعورك الجميل
      لاتنسانا بالدعاء
      ممنون // مع الود

      تعليق


      • #4
        ان شاء الله دوم نبض قلوبنا حسيني
        في ميزان حسناتك ماجور

        إلهي كفى بي عزاً أن أكونَ لكَ عبداً ، وكفى بي فَخراً أن تَكونَ لي رباً،

        أنتَ كما أُحب فاجعَلني كما تُحب

        تعليق


        • #5
          ممنون لمروركم وفيضكم بحروفه العذبه
          شكرا مع الود
          شكرا // ممنون

          تعليق


          • #6
            ​جعلكم الله في شفاعة الحسين. (ع)
            sigpic

            تعليق


            • #7
              ممنون من القلب لهذا المرور والفيض الكريم العذب بحروفه
              شكرا مع الود
              شكرا // ممنون

              تعليق


              • #8
                احسنت شاعرنا المبدع خالد محمد مهدي الحجار وسلمت اناملك لهذه الكلمات الجميلة
                جعلها الله في ميزان حسناتك ووفقك الله لكل خير

                تعليق


                • #9
                  هنياله المشالك سيدي تعناك ..
                  هاي ارواحنا ترخص الك تفداك ..
                  كلنا وياك لآخر نفس كلنا وياك .
                  يا سبط النبي فاز الذي والاك ..
                  خسر كلمن يضدك سيدي وعاداك ..

                  يا سرّ الامامة ..
                  يا معنى الكرامة ..

                  يا صوت الحقيقة الابد ما ننساك ..


                  الاستاذ والشاعر خالد محمد مهدي رعاك الله ووفقك وسلمت على ابداعك المميز ..




                  تعليق


                  • #10
                    شرفنه خدمتك يبن الزجيَّه
                    ممنون من القلب لمروكم وفيضكم المبارك
                    لاتنسونا بالدعاء
                    شكرا // ممنون



                    تعليق

                    يعمل...
                    X