حسين حسين

[الشاعر ابو امين الفرطوسي]

الاخ الازري مشرف الساحة الادبيه لي كل الشرف بالاشتراك في هذا المنتدى الايماني واتمنى ان اكون عند حسن ضنكم وجزاكم الله خير الجزاء

[الأزري]

الأخ الشاعر ابو امين الفرطوسي اهلا وسهلا ومرحبا بكم اخا عزيزا على هذا المنتدى
سددكم الباري لخدمة محمد واله الاطهار صلوات الله عليهم اجمعين

[الشاعر ابو امين الفرطوسي]

حسين حسين حسين حسين

هليله من الشام ردت الحره

يم كبر ابو سجاد كعدت تخبره

اتكله يبعد الروح جيتك مكدره

ومن عفتك الهاليوم ناري مسعره

شحجيلك اعله الصار ياضوه اعيوني

من طحتـوا عالتـربان خـويه سبـونـي

ومن جابوا خويه احبال وبيهه اجتفوني

الـكـم انـه صديـت يالكـفـلـتـونـي

يالنمتوا عالتربان شوفوا الجرالي

انه الجنت منشاف شافوا خيالي

وردفن عليه ارداف سود الليالي

وكل هذا يالطيبين مااجه ابالي

انه الجنت ماهاب لو جفت دنياي

خلتني ادك عالراس وبعازة الماي

مابكت عدي اخيام واجمع يتاماي

كلهه الهبت بالنار واندب يرجواي

مدري احمي بالايتام مدري احمي نفسي

والشمر يالوليان أبضرباته يقسي

ومن شفت خويه النوك بالحومه ترسي

عاتبت وكتي اشلون بالكدر امسي

فروني بالوديان يهل الحميه

فرجه صرت للناس واهل الرديه

وكلهه تصيح ابصوت اتاشر عليه

بيهه لا لترحمون هالخارجيه

حين الوصلت الشام شفت الماسي

ياخويه عدهم عيد جرحوا احساسي

ولوتدري شتمنيت كطعت انفاسي

ولابيه يتشمتون وبتاج راسي