تويت
اصيحن وين يلكلكم حميه
كبل اليوم طولي ماتشوفه الناس
انه بت الصميده رفعت الراس
سلـمني امانه بـشاربك عباس
ليش ابكربله ابقه سبيه
خويه النار لهبت بالصواوين
مدري وين اركض بالنساوين
وعدي اطفال مرعوبه يطيبين
واصيح امنين اجتني الغاضريه
من بعد الخدر ياوسفه احتار
عفتوني وحيده ابين اشرار
الم أطفالكم لو اطفي بالنار
ريت اليوم تليفيني المنيه
انه الهودجي تحميه الابطال
ومامره وكع ياخويه لومال
وتاليهه اصيرن فوك الاهزال
وصوط الشامت اطوه عليه
وكفت ابطولي وبسوح الميادين
وحيرني الـوكت ياكـرة العـيـن
اجي لعباس لواروحن عله حسين
بكيت امحيره واصفك بديه
خويه لليسر راح امشي منكم
بدمع العين راح اكفل ضعنكم
وشكل للناس لونشدتني عنكم
اريد اجواب منكم يالشفيه
خويه روسكم كدامي تمشي
عالارماح ياصيوان خدري
وانه عبرتي اتكسر ابصدري
عمت عين الوكت ماحن عليه