عدك يكرار انصار كـلهـم غـيـره
ضحوا بالارواح خلوا الكون ابحيره
من كربله انزرعت . بذرتهم وكبرت
ضحوا بالارواح خلوا الكون ابحيره
من كربله انزرعت . بذرتهم وكبرت
وبدمهم اتروت . وانطت ثمر
حبهم لبو السجاد . يتجدد وينعاد
بيه سجلوا امجاد . وابكل فـخـر
والضدهم أحتار مشلول ضل تفكيره
عدك يكرار انصار كـلهـم غـيـره
كلهم وفه لحسين .يدرونه هوه الدين
ولثورته امضحين . طول الزمن
مابيهم الي خان . كلهم وفه وايمان
بيهم عله البنيان . رغم المحن
ورغم الجره وصار مارضوا قائد غيره
عدك يكرار انصار كـلهـم غـيـره
من عابس وجون . اتعلمنه فنون
وكلمنه مجنون . ابسبط النبي
اكتبنه ابوصيتنه . هـو هويتنه
الـثبـت عقيدتنه . بيه نقتدي
مانخفي الاسرار هو الهوه وتفسيره
عدك يكرار انصار كـلهـم غـيـره
جابر وابن عروه . كلهم فرد نخوه
صاحوا اله نهوه . ابن الطهر
غصبن عله الضدنه . غيره فلا ردنه
هو اليسعدنه . ابيوم الحشر
وماندخل النار انطانه التأشيره
عدك يكرار انصار كـلهـم غـيـره