تويت
وياك ديـنه واخـره حبيبي ياحسين
بهواك روحي اميسره حبيبي ياحسين
انـشـد عليه سيدي كـل ذره بالـكـون
ابحـبك تحديت الخلك والي يلـومـون
كلتلهم اشعدكم حجي احجوا انه مجنون
مااعوفه والكطع النحر بلغوا اليضدون
يا محب ينطي منحره حبيبي ياحسين
هالعشك بيه سيدي من عالم الـذر
وحين الاجيت الدنيتي لا ما تـغـيـر
بالعكس يبن الطاهره وي عودي يكبر
وخلاني امشي ابلاوعي جنني اكـثـر
ابلياك روحي حايره حبيبي ياحسين
انـت حبيبي وسلـوتي يانـور عـيـني
كل لحضه ياخذني الك شوكي وحنيني
ولـغيـرك ابــدا ماحله نــوحي ونـيـني
وعمري فلايسـوه ابـد لـوما تـجـيـني
الملكاك روحي ناطره حبيبي ياحسين
لوماتجيني ابيقضتي انتضر ليلي
حتى اشوفك بالحلم ويبرد دلـيلي
مااكـتـفي ابهـذا انه اصرخ بحيلي
منهو الي عده هالعشك منهـو مثيلي
وللناس احجي ما جره حبيبي ياحسين
ذبحوني وبنص الذبح مهله اطلبتهه
ومن ايد ذباحي خذت القامه وبستهه
سالوني عن هذا السبب صحت اعشكتهه
دنتلي شوفت عاشقي فرصه انطرتهـه
وضلت اعداي امحيره حبيبي ياحسين