تويت
يعباس هذا الصوت لسكينه
عوف الماي ياعمي ارجع لينه
يبوفاضل ولونه
عوف النهر والماي واكصد للخيم
حاطتنه خيل الغايره ياابـو الشيم
ياعمي هاي الكوم ماعدهه رحم
ناويه تسلب عمتي وباقي الحرم
يبوفاضل ولونه
ارجـع يسبع الكنطـره وعاود علينه
منهوالي عكبك يابطل يحمي الضعينه
الحك اخيك شبكته اسيوف الضغينه
ومابـكـه احـد يـنصره الـله يـعـيـنه
يبوفاضل ولونه
لوينذبح والي الضعن الصوج بيه
وديتك لصوب النهر كله امنديه
وخليت ابوي ابغربته بالغاضريه
لوادري ماصحت العطش يابوالحميه
يبوفاضل ولونه
ياعمي زينب حايره والدمعه بالعين
واسمعهه تندب ياكمر عني رحت وين
منهو اليحاميني لون يتكطع حسين
ارجع يخويه ابركبتك مطلوب الي دين
يبوفاضل ولونه
ابخدري يعباس العرب ضربت الامثال
وامحصنه ابزودك انه من الكلت والكال
وتذكر جنت تمسح اثر رجلي من الرمال
جاء ليش وبغربه اضل مابـيـن الانــذال
يبو فاضل ولونه
انت الجبتني الكربله وانت التردني
والهسه اذكر جلمتك من واعدتني
وحين الرحت صوب النهر ماودعتني
خليتني خويه انتضر والصبر هدني
يبو فاضل ولونه
ياخويه لوعني رحت ينهدم حيلي
وجمرتك تبقه لاهبه تسعر دليلي
راح اجوي جفني ابدمعتي ومانام ليلي
وكل لحضه اعاتب صورتك وينك جفيلي
يبو فاضل ولونه