يعباس بالوفه انشد احزامك

[الشاعر ابو امين الفرطوسي]

يعباس بالوفه انشد احزامك / يعباس جوله لعب صمصامك



كربله دوم قصته تحـجيـهه

وانطت ادروس ابكل معانيهه

اشلون عباس مـن نـزل ليهه

خله الابدان تبره من البيهه

يعباس صارت غنم جدامك


يعباس جوله لعب صمصامك




كربله اتصيح ماشفت صنديد

مثل عباس لوعضيده الحـــيد

لاكوا الـموت مثل ملكه الـعـيد

وخلو جيوش بنضره وحده اتبيد

يعباس مـا تــنسي ايامــك

يعباس جوله لعب صمصامك




ضهـره مايوم لليضد داره

هالاسد هاذ من علي اسراره

ابـجـفـه للـدوم يـزهي بـتاره

ويكلب الكـون لـو يشن غاره

يعباس دئست العده بجدامك

يعباس جوله لعب صمصامك




للـوفـه عباس منـبـع وشـلال

ابفيضه تتروه وتنهل الابطال

ودرس للغيره تدرسه الاجيال

وعن طريق الحك مازلف لومال

يعباس قمة الجبال ابهامـك

يعباس جوله لعب صمصامك




الـمشـرعه تـشهــد علـه صولاتـه

اجروفهه حمـره انكلبت أبضرباته

وضيعـت الحساب ابـجـثـث شماتـه

وكلهه تـتـراجـف والله مـن صيحاته

يعباس النهر شد اوسامك

يعباس جوله لعب صمصامك