تويت
دمي وي نحري فدوه الك يحسين
اولويكطعوني .. مايغيروني
تدري من زغري انه احجيهه
روحي الك مولاي والله افديهه
وخلهه كلهه اتلوم ماأهم بيهه
وعدي بس أرضاك هو كافيهه
وجلمتي وحده .... ماتصير اثنين
اولويكطعوني مايغيروني
قدمت برهان لحبي وجنوني
أركض اعله الموت مايرجعوني
وصحت ماأعوفه لوتوذروني
وابأسم عابس هل يلـقبـوني
وهذا حالي دوم .... موسنه وسنتين
اولويكطعوني مايغيروني
مانفع تهـديد بـيه لا ارهـاب
وانه الكل شي حاسبه بحساب
وحتى لوكطعوا مني الاركـاب
والله ماعوفه وحك داحي الباب
ودوم تلكاني ويه المضحين
اولويكطعوني مايغيروني
اهلي علموني بدروبك اليوكع
ماخسر والله لون يتكطع
وتعله منزلته بالحشر يرفع
ولهله واحبابه هو يتشفع
وانه اتنطر واصرخ ابكل حين
لويكطعوني مايغيروني