تويت
انه الغركان / بالطوفان
يابو اليمه غيثوني
عظيمه ادري يامولاي / عند الباري منزلتك
واهدالك خواص هواي/ بيهن تفتخر أمتك
أولهه الدعه مقبول/ يمك لوتحت كبتك
وثانيهه العليل أيطيب / من يشتم ثره أتربتك
والأكثر يبو السجاد/ عونه الفاز بمحبتك
ترفض جسمه النيران/ وتكله الجنه طالبتك
وانه هالجيت / واتحاميت
بيكم ياضوه أعيوني
اجيتك سيدي مهموم/ وبكلبي تشب النار
اجيتك والدمع همال/ على خدي صبح انهار
اجيتك حالتي صعبه /هايم والفكر محتار
ثكيله صارت اجدامي / واتعثر يبو الاطهار
اجيتك احتمي ابشخصك / وبدارك انه خطار
اريدن طلبتي منك / يبن المرتضى الكرار
الذنوب اهواي/ يامولاي
وبسوا انتوا التحاموني
اجيتك سيدي اشكي / واحجي اشعدي واشبيه
جنت هايم يبو السجاد/ وناسي الدنيه مكضيه
وجنت تابع هوه نفسي / ونفسي الاوجرت بيه
ذبتني ابحور اذنوب / وخلت عيني معميه
لاصوم وصلاه عندي / ورغم الحجه ملقيه
وياما الباري حذرني / وكال النار محميه
لاجن كال للتايب / فرصه ينسه ماضيه
ولهل السبب يامولاي / اعلن توبه رسميه
عله اتربتك / وتحت كبتك
واطلبكم تبروني
اجيتك سيدي ابيا حال / اهاتي تمرمرني
ندم عالفات من عمري/ وحتى النوم تحرمني
ابجاه الاكبر اتنخاك / ابهاالامرين تكفلني
الاول يبوالسجاد / من نفسي تحررني
ذبتني ابدرب اضلم / وبذنوبي تسلسني
والثاني شفاعه اطلب / اوكت الموت تحضرني
ومطلوبي / من اذنوبي
بالمحشر تعبروني
شحجيلك يبو السجاد / عن حالي كبل ماتوب
جني أبعالم الرويا / مجرم للحكم مطلوب
ومكيد انه وخايف / والوم أبنفسي يامحبوب
وما ادري شقدم أعذار / وكتابي مملي كله أذنوب
وماعندي عمل صالح / واكولن هذا الي محسوب
ولن الصوت نادني / أنخه أحسين يلي اتلوب
ولن فزيت / وإلك ناديت
أبمكانك كون ذبحوني
تعليق