ياذينه شهرك ياصفر كلما يمر بينه

[الشاعر ابو امين الفرطوسي]

ياذينه شهرك ياصفر كلما يمر بينه
......

في سابعك سبط النبي ياوسفه غدروه


وبفعال اصحاب الغدر ياويلي سموه

ولوتدري جبده بالطشت ممرود خلوه

وبكلوبنه حفرت حفر هالذكرى تجوينه


.......

وبسبعطش منك صفر عاود غدرهم


المابطلوا ذاك الحقد يسري ابدمهم

بيه سمموا جبد الرضا ابحيله ومكرهم

وجبدته ضلت تشتكي للنبي هادينه




........

ابعشرين منك ياصفر هم شفت زينب

من ردت اوياهه الضعن والكلب يلهب

وهم اسمعتهه ياصفر تعتب وتنحب

واتصيح وين أهل الرحم والله أنسبينه

........


في الثامن وعشرين أكبر مصيبه

بيهه كلبنه ياصفر يكثر لهيبه

ايفاركنه هادينه النبي أيروح الحبيبه

ونبتلي بعده ياصفر بهل الضغينه
........

ماغسلوا طاه النبي ولا أجو ا دفنوه


ركضوا عله دار الوصي رادوا يسلبوه

وياوسفه ضلع الطاهره بالحقد عصروه

واسقطوا محسن ياصفر أسمع ونينه

[بيرق]

احسنت اخي ابو امين الفرطوسي عاشت ايدك لهذه الابيات الجميلة التي تعبر بصدق عما حصل في صفر
بارك الله فيك

[الشاعر ابو امين الفرطوسي]

الاخ بيرق ربي ايحفضك ويخليك واشكر تواصلك معي
واسال الله ان يجعل ايامك محفوفه بحب محمد وال محمد الاطهار
ويرزقك شفاعتهم