تويت
افتخر لو خادمك سموني *** واشكر اهلي ابهالدرب مشوني
......
......
دعـوتي الهـم ابـد ماتنكـطع
اهلي مشكورين الفضهه بدمع
علـموني اورثـوني هالـطبع
وعله هالخدمه ابشرف ربوني
........
........
علموني كل شي ارخصله انه
وابد ه احضرله كل يوم وسنه
وعندي ساعة خدمته هي الهنه
وابد ماتركهه لوكطعوني
.......
.......
ابد ماأترك خدمته مستحيل
وقسم بالكرار عنه مااميل
ساكن ابروحي ساكن بالدليل
وابخدمته الوادم ايحسدوني
.........
.........
اشكثر تيجان الملوك اتساقطت
وياما دفعوا من اجلهه ومابقت
لاجـن ابـتاجي الدنيه اتعـلكت
وماوكعت وكلهم ايشوفوني
..........
..........
الي بالدنيه كرامه ومنزله
وبعلوا اعله نجم راسي عله
ولـوامر كلـه تنادي ياهلـه
وعله حب حسين الي ايحبوني
..........
..........
بالحشر وعدوني ولد الطاهره
الـي بـيـبان الجنان أمحضره
ولون عندي اذنوب انال المغفره
ومــن جـهنم هـمه اليعبــرونـي