تويت
من الله وين تروح يـبـن السقـيـفـه *اشـنعدك بعد طعنات وشنهي التضيفه
احقادك الهاليوم *** تمطر علينه اسموم
يبن السقيفه
.............
.............
الك يبن السقيفه اهوي رسول الله تره حذر
ابيوم الي وكف وكفه وبوادي الغدير انذر
كال الامه من بعدي وجوبا تتبع الحيدر
وكال اليريد ايخون اله باجر سقر تسعـر
وهذا الحجي موجود ابكتبك يحاقد
البيعه العلي الكرار وعدي شواهد
ابن كثير اقراه *** والطبراني وياه
يبن السقيفه
.........
.........
انه ادري الحقد عدك من اجدادك توارثته
همه الحاربوا حيدر وانته النهـج كـملته
تريد اكثر اوضلحك لواحسن تضل سكته
لو احجي اخاف اتكول هذا الحجي مووكته
الضلع الزجيه شوف وروح اسال الباب
بيه نبتوا بسمار ومعروفه الاسباب
راح اكشف المستور *** رادوا خلافة زور
يبن السقيفه
..........
..........
ابد ماهمكم الاسلام ولتهمكم تعاليمه
دورتوا الكراسي وين والقصر وتصاميمه
ردتوا سلطه انتوا وجاه وعفتوا الي اله قيمه
الاساس الثبته طاه أشكد حاولتوا تهديمه
لكن ابه الرحمن ان يطفه نوره
وموانتوا يااوباش تهدموله سوره
ربك اراد *** دين وميعاد
يبن السقيفه
...........
...........
اذا حيدر سكت عنكم تره خايف عله دينه
واذا ابنه الحسن هادن ابشروطه وبقوانينه
لحد اهنانه مركبكم يمشي وبشياطينه
وبعث أعصاره ربك الكون ومفتاحه تره حسينه
كله ابدماك الدين يثبت اساسه
واسمك يضل للدوم حب وقداسه
وضليتوا مرعوبين *** من يمر اسم حسين
يبن السقيفه
............
............
ربك مارمه الاحجار وماحرك براكينه
ولازلزاله هز الكاع لكن ناده لحسينه
وكف بالطف ابو السجاد وللباري رفع عينه
ومن ادماه خله الكون تتغير موازينه
ومن ذاكه وكته شوف ولهذا يومك
اتغير مسار الكون وزادت همومك
وهاك استمعلي زين *** بايع ابو الحسنين
يبن السقيفه
................
................
وصلت بيكم الاحقاد اليحب حيدر تأذونه
وبكل الطرق ردتوا تخوفون اليتبعونه
مره ابسيف وبذباح ومره انتم تفجرونه
ومره مقبره اتحفرون عدل انتم تدفنونه
وهذا الحجي موجود ولالا تنكره
حقدك تره مكشوف فعلك يضهره
منك انه مااخاف *** روح اسأل الاسلاف
يبن السقيفه
تعليق