تويت
اجيناك سيدي مشايه
.....................
.....................
يمظلوم مانسينه امصابك
بلكلوب يبقه دامي اصوبك
ونجي ازحوف نوصل لحد بابك
عاهدناك نبقه الك وفايه
..............
..............
ازغار اكبار نادتك ملهوفه
لحد الموت منهجك منعوفه
وهالارواح كلهه الك مصفوفه
من كل صوب لمرقدك عنايه
...............
...............
مهما اتدور سيدي الاعوام
نجي ابزود ومانطخ الهام
ولامنهاب من سطوا الضلام
واحنه الموت نشتريه اشرايه
.............
.............
لا تفجير منك اليمنعنه
والذباح يذبح ويسمعنه
فدوه انصيح لجلك اتكطعنه
ولامتطيح ابدمنه تعله الرايه
.................
.................
بينه اجروح تدي يابو الاكبر
واجيناك وتدري مانتاخر
ومابينه واحد اليتعذر
ونجي ابزود ونوكف اعله الثايه
................
................
ندري بيك ابد ماتنسانه
وبالاهوال انته تتلكانه
لامنحير ومثلك انته احمانه
والكوثر انت تسكي مايه
..................
..................
يمضلوم ياشرف هالامه
كصدناك كلنه زود وهمه
ومننساك والله يابو اليمه
وبدمنه دوم الك ودايه
................
................
تدري اعداك رافضه سمونه
وعن مسراك راداو ايمنعونه
وصحنه ابصوت والله متفرقونه
ويبقه دوم الامل والغايه
..............
خلهه تموت سيدي عذالك
في كل عام نجي نتعنالك
وموخسران سيدي الوفالك
وبحبك اكلوبنه محنايه
................
................