قصيدة بحق باب الحوائج ام البنين ((ع))

[خادمة الحوراء زينب 1]

تاه الوصف مثلي وحرت شرد اوصفْ
هاي ام البنين وانته زين اعرفْ؟
***********************
رمز للتضحيه وروح اسال التاريخ
شوف اشكتب عنهه وصوّرْ الموقف ؟
***********************
عفه ومرتبه ونخوه وشهامه ودين
والينكر فضلهه انحسبه مومنصفْ
**********************
ياهو اللي مثلهه وقدّمتْ اكبــــادْ
اربع شهب غابو عنهه بارض الطفْ
**********************
وابد ما فلْ عزمهه وجارتْ الاحزان
ومرادف عليهه الدهر ظل يردفْ
**********************
لچن ماهمهه جور الزمن لمن جار
ولاهمهه الگمر من طاح منه الچف
**********************
همهــه اعلى الذبيح المنچتل عطشانْ
ابو السجّاد نور العين ظل ينـــزفْ
**********************
تون اعلى الغريب ْ وتجذبْ الحسراتْ
وهالموقف عليهه الاصعبْ واكلفْ
**********************
اجتْ يم العقيله وسالت العبراتْ
يبني احسين وينك تصرخ وتهتفْ
**********************
هاي ام البنين الما تهزهه اهمومْ
اجَتْ تندب احسين وكل عضو يرجفْ
**********************
اجـت محني ظهرهه وهاجتْ الالام
وعلى الخدين دمع العين ظل يرشفْ
*********************
ياعباس زينب صرخت امن ابعيد
وهيه اتصيح يبني احسين بيه الطفْ
*********************
هاي ام البنين الواسَتْ الزهراء
قَدمَتْ كل ولدهه او وَفَتْ ماتخلفْ
*********************
ياباب الحوائج والگصد ماخابْ
يرد بيده طلبته وموقفچ مٌشرفْ
*********************

[الأزري]

أحسنتم وبارك الله بكم

[بيرق]

السلام عليك يا أم البنين يا أم الأقمار الأربعة
سلمت اناملك يا خادمة الحوراء زينب 1 قصيدة جميلة