تويت
قصيدة الزيارة
كتبت عام 1999
ماكفاهم ذبحوا إبن المصطفى
والخيل مرت بالحوافر داسته
منعوا الشيعة تزوره وتعتنيه
وهي أوله الناس في حب حضرته
كالوا أعله الشيعة عبادة قبور
وليش قبرحسين الكل عبدته
زرعوا دروب الزيارة بالرماح
وجتفونة ورادوا تذل شيعته
وتكسرت عبراتنة بين الصدور
ودموعنه طيور وغفت يم كبته
من نزور حسين موبدعه وغباء
والناس عالفطرة تطوف بحضرته
النبي يفرح من نزوره ونعتنيه
وهذاجف الله اليطوف بشيعته
ويالحضن الشباج ميلوحه العذاب
ولاتمر نار الحساب بجثته
وانت تعرف شني معنى إسم الحسين
وليش ماهاب السيوف وردته؟؟
النبي أمي .. بس قره بوجه الحسين
سورة الاسلام في كل قوته
والدليل حسين ماظل بالعراء
طاحت إمن السمه وصلة وغطته
مانزور حسين لن جدة الرسول
وفاطمة الزهراء امه الربته
حسين دمه إلي غسل عار الإسلام
ويجري بالشريان دم محبته
إذاً كلنه ان ذوب في حب الحسين
واجب و ذمة علينة زيارته
والمايعرف حسين في شكلة الصحيح
خل يباوع كل جبين يشوف طبعه تربته
والجفوف الماتدك عالصدور
تنقطع واجب تره هاي الجفوف
والدموع اتطيح حتماً عالحسين
لأن هو عيونة البيها نشوف
كل بقاع الكون تحسد كربلاء
لان دم حسين حنة خدودها بيوم الطفوف
ورادوا يطفون نور إسلامنه
وهو موكل نور تطفيه الجفوف
وحتى نحر الكاع بالسيف إنذ بح
وكعبة نحر حسين وتطوف السيوف
وما كفاهم ذبحو إبن المصطفى
وحاولوا نهي الامامة بمقتله
وعلى شفاه حسين آثار السياط
وزينب تبات بدمعه مكحلة
زوروا تاريخنه في كل زمان
وتجاهلوا قرآن الله منزله
عن طغاة الكون كالو خلفاء
وأُمراء المؤمنين السفلة !!!
حسين لو إبن أي بشر هم حاربو
وأحد تعرا تعرضله يوم بمسئلة؟؟!!
بس هو إبن حيدر علي الذل الطغات
وكره حيدر علي عدهم أكبر مشكلة
كوم ياحيدر علي و ذل الطغات
كوم حل بسيقك انت المعظلة
جلد سيفك كزبر بيوم الطفوف
ليش دم حسين ياهو محلله
نزل نور الله صلى أعله التراب
من نزف دم الحسين بكربله
ونراف جرح الدين من دمه الطهور
وطاحت سيوف الحقد متآكله
سيف دمه إيذبح أركاب الطغات
وخصر كل ظالم يصير كراب إله
وصوت دم حسين شك إذن السماء
وشيعته ليوم القيامه مهدله
حسين طيحة أسد طاح أعله الرمال
منين ماينجرح ينزف مرجله
شهني عجبة حسين نبجيلة دموع
لو بجينة أرواحنة من وفي إله
وإحنة ما نبجي على مقتل حسين
ولا على العاشت عمرها مدلله
إنت ركز بالدمع تلكه الحسين
ثورة في أعماقنه متناسله
جاليش هاي دموعنه إنمنعت تطيح
لان كل دمعه بمثابة قنبله
تعليق