تويت
تعاهدنه وابد مانخلف اعهود
مواكبنه الك وكفت استعداد
مثل آمر نزل ويفتش اجنود
وأجه العباس بيهه يوزع الماي
يوزع ماي لاكن مامش ازنود
والزهره اجتي اتسجل اسماء
منهو الما اجه ومنهوه موجود
وكل زاير اجه وتعنه يحسين
تدعيله ابسلامه لديرته ايعود
تدري الزهره بينه انحبك اهواي
وحبك بلگلب لا ما اله احدود
لإن عدنه عقد بلدم كتبناه
عقد سجلنه والزهره من الشهود
منعوف اربعينك والله للموت
نموت احنه اذا ما يمك نعود
ماننگص وحك عيناك يحسين
كل عام اليمرنه اكثر انزود
متهمنه العده واشبعنه تهديد
يخوفونه بزرع عبواتهم عود
اللابس درع حبك كلي شيخاف
والفاز ابمحبتك توه مولود
الگطع الروس رد الشمر ويزيد
اجو للمعصيه يبذلون.مجهود
يجبرونه اعله غيرك كوه منريد
غيرك مانريده وحبك يسود
من مثلك قهر بلمنحر السيف
وكل هاي الامم بالخنصر يقود
مني حسين كال واني منه
لسان المصطفى والخبر مسنود
مرضى اگلوبهم ندريهه متطيب
متهمنه ابد راياتهم سود
كتبوا لا اله وغشوا الناس
الهم يوم هذا اليوم موعود
مثل مارفعوا المصحف بصفين
رفعوا لااله وردوا اردود
اخذهم لااله بجاهك حسين
اخذهم ربك بحق صالح وهود
هاي الجنه النه الغيرنه شلون
ميحمله العقل هلحجي مردود
ظنو بلذبح للنبي ايرضون
عقلهم والله كلش حيل محدود
دربك نور يابو النور شفناه
ودربهم اظلم معكرومسدود
ليهمك وحك اعيون عباس
الشجرمايوم همه امطافراقرود
الدواعش ولدك اتأدبهه يحسين
حلفت بالخيم برواحهه اتذود
عمرهم موطويل وجل فقاعات
و ابعد الاصابع ندري معدود
نمرود العصر بجدامنه انداس
وابراهيم صرنه .. يهمنه نمرود
حبك جل كتاب وفاز قاريه
الماياخذ نسخته نادم ايعود
نظل نهواك والله بگلب مجنون
ويظل دوم النظر للحضره مشدود
من كل صوب اجتك شيعتك هاي
متهمهه المسافه وتمنع احدود
هاي الناس اجتي افواج افواج
جن مكه وحجيج اتلبي معبود
وبحبك عگدنه اگلوبنه البيض
علگ يحسين بلشباج معگود
نطب الصحنك ونلطم عله الراس
نطب الگبتك ونلطم علخدود
غيرك ماتشوف بدنيتي العين
بس رسمك بجفن العين موجود
لظل انعاك والله بشعري يحسين
ويصير ابمحرم گلبي رادود
تظل آية عشك كل الموالين
ويظل خيرك ابطول الدهر ممدود
\\\\\\\\\\\\\\\\\\\\\
الخادمة عآشقة زينب عليها السلام
