تويت
اسم القصيده( ناده عضيده)
======================
ناده عضيده بطيحته // مسرع حضر يم جثّته
**صابه السهم والعامود
**والرايه طاحت والجود
مسرع حضر يم جثته
************
من سمع صوته كصدله ** لاكن بياحاله شافه
هامته من الدمه تنضخ ** والعطش يبّس شفافه
صار عمره أويه ابو الغيره** مثل طيف ابليل طافه
مثل الصكر لجله اعتبنه
ولمن وصل يمه أو دنه
لوعة اخيّه ادوهنه
وكلبه يم الجسد عافه
من شافه سابح بالدمه// وشفافه فسرهه الظمه
**مايكدر أوياه أيعود
**والرايه طاحت والجود
مسرع حضر يم جثته
************
خوي عباس أرد اسئلك ** ياجرح يالمك اكثــــــر
ضواب راسك لو جفوفك ** عله جوده ابعينه أشّر
حيلي يعضيدي هدمته ** ونحنه ظهري وتكّسر
فراكك عليّه مو سهل
شتحمّل ثكيل الحمل
حيث اعله مثلك ينجتل
كلبي بصوابك تأثر
متشمته ابحالي العده// مصابك لصار ولاسده
**بجفين وفيت عهود
**طاحت الرايه والجود
مسرع حضر يم دثته
************
ابقه وي اّلامي صابر ** الشوفتك ملهوفه عيني
اتشوف دمي ألي نزفته ** وكطعت ايساري ويميني
ابعينك صوابي تنظره ** وكبل ماودك تجيني
زينب يخوي اوداعتك
لو ترد يمهه او لاكتك
وزعني لونه سألتك
كلهه وصه تعذريني
فاضت الروح أو وادعه // عافه ابمكانه ومصرعه
**من عنده راح ابن العود
والرايه طاحت والجود
***********
ابدم ابو الغيره او دمه ** رجع بهمومه وحسرته
يوصف اشلون المصيبه ** ابهل الخبر لو سمعت اخته
شافته من رجع محني ** حسّت اعله الشاطي جثته
صكت عله الوجه اوبجت
شبكت ابو اليمه وبجت
عكب الكفلهه اتصدعت
واست حسين ودمعته
اليوم مانشف الدمع // كلبي وكلبك منفجع
**لاغايب انكول ايعود
الرايه طاحت والجود
***********
اتحزمي ابصبرج يزينب ** مانه مثل الكمر غايب
أرد اوّصيج ابوصيّه ** عودي صبرج عالنوايب
مصاب حادينه عماني ** ابروحي اشد كل المصايب
لاخيمه تبق ولاولي
راج ألي كال ادللي
ياحره بت حيدر علي
عليج راح اتمر عجايب
نادته خوي ابو علي // اتروح عني او كافلي
**باليسر خدري موعود
**الرايه طاحت والجود
*************************************