الى من شكك بظلامة الزهراءعليها السلام

[الشاعر محمد العيساوي]

العقيـــــــــدة
اني اقدسهه العقيدة
لأن تعنيلي الحقيقه
وارفض الباع العقيدة
وما اشكك بالرواية
الجرمة اهل السقيفة
وثبتت الزهره شهيدة
واليقين العندي حق
وفكرتك كلش بعيدة
التاجر بأعظم ظلامة
من اجل كرسي ورصيده
ما اريده
بوجهه اصيح وما اجامل
هذا فكرك ما اريده
فاطمه بضعة محمد
وألها فن النوح اجيده
والعن الطاغي السطرهه
واللعن كل يوم ازيده
فاطمة هاي ام ابوهه
والله يلعن كل زنيم
اعله البتول انمدت ايده
باجر اتقوم القيامة
والنكر حقهه وظلمهه
يا عذر هذا اليفيده
الكال ما كسروا ضلعهه
وكال عالمحسن خرافة
وشكك بأشرف عقيده
ما اريده
وآنه شاعر يعني من زهراء اكتب
تهمل عيون القصيدة
الصاح يا ثار الزجية وكتله عونك
رشح وفوزك عليه
الك صوتي وصوت اخوتي
وصوت كل صاحب قضية
حتى من تصبح قيادة
تجيب حقي الراح اليه
وحتى تنشف دمعة امي
وما تنوح بكل مسيه
وحتى بفراشي انام
وما درج يصعد عليه
وحتى اكول الظلم وله
وراح ويه العفلقية
وفرج الله ؟؟؟؟
وصرت انته
وصحنا تحيى الجعفرية
وكلنه صار الهور مركه
وهاي من الله العطية
وارد اسئلك وآنه منك
وانته اخوي ومني بيه
تصالح البعثي وتعوضه
بهاي هم ترضه الزجيه
تطي للبعثي حقوق
واني اضل دومي ضحية
دطي لصحاب المقابر
اطي لصحاب المحاجر
اطي حقهم ؟؟ مو هدية
ولو صدك شيعي وموالي
اعتذر من الحسين
وصيح مظلومه الزجية

[شجون فاطمة]

اللهم صل على فاطمة وأبيها وبعلها وبنيها والسر المستودع فيها
شاعرنا الطيب بورك بكم وبنشركم الراقي
هديتكم على حب الزهراء فاطمة {عليها السلام} الجزء الخامس
من القرآن الكريم أهدوا ثوابه الى والديكم الكرام
وتقبل الله تعالى منا ومنكم
صالح الأعمال

[علي حسين الخباز]

الشاعر محمد العيساوي اهلا ومرحبا بك في منتدى الكفيل وطبت لسانا تقبل المودة والدعاء

[خليل علي الزبيدي]

خاف من تسأل الحاكم يجاوبك اني شبديه

تحية لقلمكم النبيل ومايسطر من كلام جميل