تويت
(( كعده للعباس عليه السلام))
***********
بعدك طحت بالحيره ** احضرني يابو الغيره
بالحرم واطفال احتار
بالخيم شبت النار** احضرني يابو الغيره
*******************
وسط كلبي نـــار تسعر **او روحي لاجت والسباهه
حركوا خيمنه علينـــــه **وعالارض طبكت سماهه
تعرف لاشرارلاّل اميّه **وتعرف الماضي وبلاهــه
والشمر وحقاده تـدري **من بعد عينك ولاهــــــــه
ياخوي ربات الخــــدر
تتلاوذ اتريد الستــــــر
هجمت عليه اهل الغدر **وصحت وينك ياحماهه
عندك وعد النه التعود** بالرايه وبماي الجود
عندك خبر بينه اشصار
بالخيم شبت النـــــــــار** احضرني يابو الغيره
*******************
أمأمنه ونته اوعدتنــــــي ** وصار بأمرك اختياري
ابد ماعوف المدينـــــــــه ** والخرابه اتصير داري
يابو فاضل روحي راحت** وينــــــك اطفيلي ناري
الكطع جفك وينه عنّــــي ** يكطع ايميني ويساري
الحاله اشد من العدم
وحدي ادوّربالخيم
واكع يشيال العلم ** عالنهر جثتك اثاري
بالحسره ظليت وهم**ودموعي يجرن من دم
عكبك تلمنه يادار**بالخيم شبت النار
****************
تنشد عليك اليتامــــــــــــــــه ** وينه عمنه أوين ميــّــه
شرد اجاوبهم يساقــــــــــــي ** وروحك أبأئيد المنيـــه
كســــــــر كلبي خوي حالك ** وانت نايم عالوطيــــــه
وأحرك ابروحي وي روحي** عليك وعله ابن الزجيه
وانته اعله جرف المشرعه
ايمين ويســـــــــار امكطعه
وحالتك كلبـــــــي اتصدعه **هذا وعد الغاضريه
ماخاب منك ظنّه **معذور مترد ألنه
والوكت ياحيف اندار**بالخيم شبت النار
***************
التمت علينه المصايب ** والحزن والهم لفانـــي
رايتك والجود بيــــدي ** انديتك ومدري شجاني
أمين اجتني الغاضريه ** وبعد شيضملي زماني
ريته عامود البراسـك **صابني ابراسي وعماني
بالسهم عينك تنرمي
اتمنيت عييني تنعمي
منـــــي خذاك العلكمي **وهدمت حيلي وكيانــــي
من طاح ياخوي الواك **وعالمشرعه فيض دماك
ماضلي والي وانصار**بالخيم شبت النـــــــار
**********************
رجع مهر حسين خالي **يندب وصرخ ظليمـــــــه
حسين متخضّب ابدمــه**وعالنهر جثتك هظيمـــــه
رماد خلوهه خيمنــــــه**وكلها فزعت عالغنيمـــــه
المشتكه لله ورسولـــــه**اعله التصدّه الهل جريمـه
منظرنه لعدانه يسر
كادونه بحبال اليسر
ابكلبي احمل واسطبر**كربله مصيبه عظيمه
امشي وديرن بالعين**انخاك ونخــــه يحسين
وانخه اباسم حامي الجار
بالخيم شبت النــــــــــــار**- احضرني يابو الغيره
تعليق