قصيدة / شِجاكم يا عرب

[الشاعر سعيد الفتلاوي]

قصيدة / شِجاكم يا عرب
......................................
............................

.
.
.
شِجاكم يا عرب مو احنه وانتو اخوان
ابد ماهمكم عْلينه شْجره وْما دار

گبل داعش لفتنه القاعده العارات
قتل تفجير وادمانه الجرت انهار

عروبتكم يَلِخْوه شْبيها صار سْنين
ولا واحد فزع النّه انتفض عالصار

حسافه عْليكمُ وْياحيف صرتو اغراب
يمن عفتو العراق ابوحده بالاخطار

علينه يشهد التاريخ بالكلفات
وگفنه اوياكم بْكلّ المحن انصار

نعم عمّان والجولان النه شْهود
مقابر للاسود هْناك عدنه آثار

وْمصر ارض الكنانه فْدينه الها نْحور
عله اسرائيل هبّينه وْحفظنه الدار

لان غيرتنه ما تعرف مَذَلّه وْخوف
ولا نعرف نعوف اخوتنه عيب وْعار

تِعَرفون الحقيقه وْفنكم تْنكرون
اسود مْن العراق استشهدوا ابرار

لجلكم ضحّوا الشبّان بالارواح
وْولدكم هجموا عْلينه وْرمونه بْنار

ذبح تفجير وارهاب وْفتن والآم
عليهم لعنة الباري العلي القهّار

.
.
.
........................................
.........................

الشاعر
سعيد الفتلاوي

[خليل علي الزبيدي]

لاحياة لمن تنادي يا أخ سعيد
بوكت وحفظك الله تعالى

[امال الفتلاوي]

فعلا اخي مثل ما قال الاستاذ ابو آمنة لاحياة لمن تنادي

وهل يستحق هؤلاء عتابا في قصيدة؟

[الشاعر سعيد الفتلاوي]

شكرا لكم وفقكم الله