قصيدة / مو من طبعنه عْله الشماته نْعيش

[الشاعر سعيد الفتلاوي]

قصيدة / مو من طبعنه عْله الشماته نْعيش
...............................................
................................
.
.
.
مو من طبعنه عْله الشماته نْعيش
وْ لا من طبعنه نشمَتِ بْمهضوم
.
بْنار العدو حْترگت شباب وْشيب
مْن اهل العراق الصابر المظلوم
.
يالتدّعون . الخوّه . والاسلام
شو ما سِمَعنه اصواتكم فد يوم
.
الولد الزنه . تْئايدون . وِتْمجدون
جْروح العراق سْنين تجري دْموم
.
مَحّد فزعله مْن اخوِتَه وْ داواه
بْنار الشماته مْلوّع وْ مالوم
.
نْدارت . عليكم . نار . هالانذال
وْ حرگت معاذ بْنار كلها سْموم
.
لا والغريبه . نْگلبتِ . الاحوال
صار الدواعش ظالم وْ مذموم
.
وْهسّه نْتفضتوا عْله البغي الغدّار
والله . العظيم . الشر. ابد ميدوم
.
بْعَدله . الاله . اليقهر . الظلّام
عدنه اليقين وْنرضه بالمقسوم
.
ربّ العرش . ما ينصر . الارجاس
ينصر عباده وْيرضي كل محروم
.
.
..............................
..................

الشاعر
سعيد الفتلاوي

[خليل علي الزبيدي]

ينصر عباده وْيرضي كل محروم

اللهم آمين

[الشاعر سعيد الفتلاوي]

بارك الله بيك اخي ابو امنه