تويت
إهدي ثوابها لكل قطرة دم طاهرة سقطت على أرض العراق الطاهر لرد الدواعش الظالمين .
خدمتي لام الحسن أحرس حدود الوطن
ما أهاب من المحن شيعي وحسين اميري
شيعي وحسين اميري
*****
آنه جندي وحب علي عندي علامه
رضّعوني من المـــهد حب الإمامه
أحذر من القارعة يوم القـــــــــيامه
أدري درب المرتضى درب السلامه
ثابت بـكلبي العزم
جعفري وما أنهزم
فاضل الطينه ضميري
شيعي وحسين اميري
*****
هوايه لدروب ورجال الفــــــكر أكثر
لكن بـكلبي الوفي مغروس حـــــيدر
أدري يوم الحشر واكف على الكوثر
وأدري قرآن النبي بســــــمه تسطر
شلون اعوفه وأنحرف
والنبع مني يــــــــجف
هو نبـــــعي وغديري
شيعي وحسين اميري
*****
وادري حب حسين بآيات الموده
وكل براهين المجد تلـكيها عنده
ويكفي خاتم دينها المبعوث جده
وكل كلب يرجه النصر يوكف بسده
دربه درب الغانمه
والعدل والمرحمه
وهذا دربي ومصيري
شيعي وحسين اميري
****
حسين مدرسته وأرض بس للشجاعه
جبل عزه وللســــــــــمه صار ارتفاعه
والجــــــــــبن والمرجله ياناس ساعه
ولبن آدم بالشدد يوكــــــــــــــع قناعه
أصله شيعي وعلوي ؟
ولويزيدي وأمــــوي ؟
لو بحزني لو سروري
شيعي وحسين اميري
******
حسين خط بكربله الخـــارطه الحره
حتى كل ثوري وشهم ميضيع أمره
حسين بالدم الأبي فجَّر الثـــــــوره
اشتره الجنه الخالده من باع نحره
حسين علمنا الوفه
لال بيت المصطفه
شيعي وحسين اميري
******
قرأت هذه القصيدة في محافظة ديالى الباسلة أمام مجاهدي الحشد الشعبي في العشرين ليلة العشرين من صفر من هذا العام
تعليق