لما سارو في ضعن الزهراء (روحي لها الفداء) سبين لاحظت الزهراء ع شط الفرات وقالت ....

[عباس الرفيعي]

من عمت عينك كطعت جفوف اخوي
الله لاينطي شكو بالدنيا ماي

ادعيلك بنصه الذي تكسر كفاك
مو اقل من طيحتي وكسرة كفاي


كون يامجرى اليلزمك يمشي بيك
هيج اريدك دوم تبقى بلايه راي

عطشتني من الله لاينطيك لون
عطشتني وذبلت لوني وضماي

انته مهر الزهره اذكرك لو نسيت
كون بس اوميلك تصيح انا جاي


انته مالي وحصتي واعداد ابوي
بلايه طارش تجي تبلل مشتهاي


موش اوديلك كمر وتبخ ضواه
وطينك الاسود يجي ويصبغ سماي

انا حرمه ومتني مارداله سوط
سياط ماخليتهن يحجن وراي

وانته كطرة ماي ماتنطي لكفيل
احنه ياهم وحتى ماتنطينه ماي..؟

انته لو مااحنه اصلا ماتصير
وجا عشت صافن صنم لو ما هواي

الوعد وياك بس اوصل يزيد
وانته كونك نهر عود انبع وراي

الا اطفي الشمس من تخطف عليك
خاف ماتدري دمعتك من ضواي

باجر اترس بالحشر بطنك وكود
وافتل جروفك حبل بجفوفي هاي

والا اكود الكوثر اكبالك وافوت
والا اذلك من تجيني اجدي ماي..!!

[خليل علي الزبيدي]

الاخ العزيز عباس الرفيعي
أهلا وسهلا ومرحبا بك اخا عزيزا وكاتبا موفقا في ساحة الجود والولاء ساحة الكفيل المعطاء

قصيدة مباركة بارك الله بك ونحن في انتظار جديدك

[علي حسين الخباز]

الشاعر عباس الرفيعي اهلا ومرحبا بك بيننا ولك المودة ووالدعاء قصيدة رائعة

[عباس الرفيعي]

شكراً لمرورك اخي ابو امنة

[عباس الرفيعي]

اشكرك اخي علي