يا ام البنين

[عدنان منعم]

بروحي معكوده المحنه – يا ام البنين – والعمر ونه اعلا ونه – ياام البنين
عدنه حاجات – وبينه ونات – ام البنين

من الزغر متعودين احنه عليج
من نصير بشده يالــحره نجيج
اعتنيج بلهفتي انه اعتنــــــيج
ومن تظـــكني تفرج من اجيج
انتي باب الله ياحره - ياام البنين - محلفج بحضرة الزهره – ياام البنين
تجري دمعات – وبينه ونات – ياام البنين

الفاتحه نقراها باسمك كل زمان
وانتي ياام الــــــــكمر النه امان
الحنان بروحي دائم هالحــــــنان
من نكول اسمج صبح النه ظمان
باب للحاجات دومج - ياام البنين- بكل زمن شاخصه اعلومج – ياام البنين
نعلي اهات – وبينه ونات – ياام البنين

يامثال التضــــحيه بوادي الطفوف
والمثل يالحره معروف الجــــفوف
جفوف عــباس الفنـــت كل الالوف
انتي نعــــمه وعميه عينه المايشوف
انتي نعمه بكل زمان – ياام البنين – لكلب كل شيعي امان – ياام البنين
العمر لوعات - وبينه ونات - ياام البنين

دموعنه ليومج جرت ياام الكفيل
انتي ام عــــــــباس مالك هالدليل
وي ذكر اسمج انه روحي تــميل
وغير حبج ماكو الروحي خلـــيل
احروفج الحب والمحنه – ياام البنين – انتي باب الله ياامنه – ياام البنين
الروح شوغات – وبينه ونات – ياام البنين

محــــــــلفج بزينب اريد ازيارتج
بروحي صارت يالاصيـــله ونتج
ونتج لحـــــــسين صارت لوعتج
سالم يرد ابو اليمـــــــــــــه غايتج
الج يم عباس روحي – ياام البنين – تشفه باسمج كل جروحي- ياام البنين
بينه حسرات – وبينه ونات - ياام البنين

شلون حالج والهواشــــــم بالقتال
صرتي وني تهدم اجبال واجــبال
انتي نبع التضحيه وصادك الكال
معهد انتي تخرج فــحول ورجال
معهد العز والكرامه – ياام البنين – صرح مختص بالشهامه – ياام البنين
النفس لجمات – وبينه ونات – ياام البنين

خادم الحسين عدنان منعم

[خليل علي الزبيدي]

قضى الله لك حوائج الدنيا والاخرة بحق السيدة الطاهرة ام البنين

[باسم الحساني]

السلام عليك يا ام البنين وعلى اولادك الاربعه
على البقيع ومن فيه سلا ما مابقيت حيا

بارك الله فيك اخي المحترم عدنان منعم
وجعلها في ميزان حسناتك