القلم يسعفني من اكتب عن العباس ... يظل جدامي يمشي وتكتب احروفه

[عباس طريم]

القلم يسعفني من اكتب عن العباس
____________________

عباس طريم
____

القلم يسعفني من اكتب عن العباس
يظل جدامي يمشي وتكتب
احروفه
+

والافكار تنزلي مثل كرطاس
مفتوح وسطوره ادموع
مذروفه
+
ومن اقره الشعر تصفن علي الناس
جنهه امأسره وبحبال
مجتوفه
+
تريد الناس تعرف عن ابو النوماس
الصار اليوم بين الناس
سالوفه
+
كلت عباس فارس للقيم قداس
كبل لا اتصيح زينب قدم
اجفوفه
+
وبعد قدم اعيونه وقدم الهه الراس
حته امكطع اعله الكنطره
اتشوفه
+
كالوا ما وفيت وهذه مو عباس
بحر عباس , وانت اتوصف
اجروفه
+
بالموت وسيوف الموت ما ينقاس
واوصافك يشاعر كلهه
معروفه
+
حسيت ابخجل من جدمي حد الراس
مثل امعزب وكصر وي
اضيوفه
+
واشوفن فارس امدرع ابخوذه وطاس
ايهابه , وما يحرك جدمه
اليشوفه
+
وكال اكتب : اترابه مقدس وينباس
والينخاه ايجيره وابد
ميعوفه
+
تجيه الناس اكداس , وتروح اكداس
وامراده يحطه ابجف
اليطوفه
+
اليوصل حضرته ومطلوب ما ينجاس
والخايف ايأمن يمه من
خوفه
+
مو كاس اعله زينب جرع مية كاس
وجربته .. بالف نبله وسهم
مزروفه
+
هو القدر طاح , ودكت الاجراس
تداعت كربلا , وانهدت
الكوفه
+
وبسابع سمه نصبو عزه وقداس
والارض الوسيعة اصبحت
مخسوفه
+
عواصف دمدمت من غدرو الانجاس
وانشك السمه العالي , وصعب
روفه
+
وصوت الله واكبر خله راس ابراس
وخله اوجوهه من الخوف
مخطوفه
+
من صاحت الدنيه ابطيحت العباس
صاح الصوت [ ابد ما ننسه
معروفه ]
+
وظل عباس بمتون الزمن نبراس
وبروح القدر والكون
معزوفه
+
ابحر التضحية والجود اسس ساس
اليريد النجا , يركب
ابمشحوفه
+ + + +
عباس طريم

[الكف الفضي]

بسم الله الرحمن الرحيم

السلام عليكم


موفـقـين على الابيات أستاذنا

واسمح لي أن أُخالفك الراي تبركا في بعض الابيات و أقول :-


ما يسعـفـني القلم من أكتب عن الـعـباس*** لان كـدامي تسـقـط و تتلاشه أحروفـه

والافـكار ما تـنزل مثل قـرطاس *** لان دجـلة والـفـرات مجموعة بـجـفـوفه

ومن أقره الشعـر ماتصفـن علي الناس *** لان عباس عــدهم واضــحــه أحروفـه


الناس تعـرف منهـو ابو النوماس *** لان صـولاتـه تـَبـرق حيدره أتـشـوفه



والسلام عليكم

[عاشقة غريب كربلاء]

السلام عليكم

احسنتم وابدعتم جعل الله تعالى كلماتكم الولائية في ميزان حسناتكم