شيئٌ للعراق وحشدنا الشعبي المبارك

[غسق محمد]

ما تحمل فرق عن يوسف الصديق
نفــــس ذول اخوتك ذبوك بالبير
يــا اول ولاده الصارت بهل كون
اكــــبرهم صدگ بس بعدك زغير
عمت يعگوب عينه ويدري بالمكتوب
لو داري بمحنتك ياوطن شيصير
عشــر سنين بينه يذبح ابن سعود
مو سيفه اليحز خوتي السواطير
(حجر) واحد واعليه الف حجاج
يا اول مــــــوالي أنشمل بالتهجير
حجاجك افغاني رجع بينه اليوم
(راى رؤساً أتشيعت)
محتاجه لتكفير
وانه المكتوب اقاتل من زمن صفين
وعلى جتفي أنطبع رسم الشواجير
انه مگمط الم وكاروكي تابوت
امن الموته عدنه شگد تصاوير
مانبجي عليهم اعيونه مخشبات
وحيل تعودن دگ المسامير
امصدگ اعوفك وحگي مني يضيع
مغمض جنت هسه امفتح بجير
اجيبنك سحل شعلان بية الگام
افتر لية الوگت فرت النواعير
لا داعش بعد لا بعث صدام
عجل يابه يولو تروح للقير
اذا طب الحشد طبة علي اعله الگوم
ياعورة العاص اتريد تكبير
ياعورة العاص اتريد تكبير
** بقلم غسق التميمي

[باسم الحساني]

كل شي نقدمه للحشد الشعبي والجيش لا يساوي قطرة دم تروي ارض العراق
انهم يستحقون ان نجعلهم اعلام ترفرف في كل زاويه من هذا الوطن

بارك الله فيك يا غسق محمد انها روح الاحساس بلوطنيه الصادقه
شكرا لك

[علي حسين الخباز]

الله يا شاعري الرائع سلمت لك محبتي

[امال الفتلاوي]

اللهم صل على محمد وآل محمد

احسنت ايها الشاعر

سلم يراعك

[غسق محمد]

السيد باسم الحساني .رجال الحشد الشعبي وهبو كل ما يملكون للوطن بكلمه واحده من الامام السيستاني فكيف سنجازيهم لا اعلم .ممنونك سيدي الفاضل

[غسق محمد]

السيد علي حسين الخباز صدقا اشتقت لتشجيعك الابوي . واهتمامك بكل المواضيع . فيا ليت ارجع لحسابي القديم كي لا افقد مشاركاتي السابقه واكون ممتن من جنابكم

[غسق محمد]

مديرة تحرير مجلة رياض الزهراء ممنون جدا وانا معجب بمجلتكم وقد اشتركت حتى يصلني كل جديد من هذه المجله والله يوفقكم

[خليل علي الزبيدي]

لك من أخيك خالص المودة والاحترام
اعتذر عن تاخر الرد لوعكة صحية

[غسق محمد]

سواءٌ علقت ام لم تعلق فأنت مكانك محجوز في لب القلب استاذنا ابو امنه الموقر والحمد لله بسلامه اجر وعافية استاذ